到夜晚,我好辛苦先等到阿妹佢訓,因為佢係咁捉住我話要講好多野我知同問我好多野,本身我好驚要同佢傾通宵,但好彩佢都話累傾傾下自己訓左,我先有時間行去個三條友間房度。

我靜靜雞咁行到佢地房門前,然後拍一拍佢地度門。

但……點解無反應呢?

我再拍……等左陣都係無後應,所以我今次要大力D先得。

「啪!啪!啪!」今次終於有反應,我聽到腳步聲行近度問,然後話:「暗號係咩?」





「P你既K咩,我撚知你地定左咩暗號啊,頭先有無話我知,咁而家姐係點啊,唔駛傾啊。」火都黎。

「三長兩短啊。」佢回答我,我勁無奈咁敲左三長兩短,然後佢地就開門比我……咁樣你地定暗號黎把撚啊。

我望一望開門既阿輝,佢好鬼鼠咁叫我:「快D入黎。」

點解……點解我會有D咁既朋友……

行到入去,見到阿俊同阿倫坐左係張床上面,問我:「佢訓左?」





我點一點頭。

「咁你覺得我地而家應該繼續幫佢送左批貨,然後到佢屋企果陣再搵機會拎批金?」阿俊問。

「而家唯一既方法就只有咁。」我答。

「但如果,佢唔係你個妹,係哄我地入局的話,我地既處境可能會好危險。」阿倫話。

佢地既諗法我明白,但好似我先前同佢地講,而家本身我地已經危險,有咩好怕,但我望住佢地兩個,我知再講多幾次都係浪費時間,所以就話:「咁不如你地搵方法證明佢係唔係我阿妹,你地係未安心D?」





佢地兩個諗左諗,就答我:「咁樣當然,但係有咩方法?」

你地咁問,我鬼知咩?
已有 0 人追稿