[惡搞無極限] 就係咁，我同幾個豬朋上左大陸獵金: ２２０　內地公安對香港警察

見到舅父坐左係我地面前，我地全部人都呆左企左係度……

「點解……點解阿賢你舅父會係度既？」阿輝問。

諗返起方叔叔講返阿爸既事果陣，舅父同佢都應該好好朋友，佢係度其實又唔出奇，只不過，咁突然，況且，我地係要避佢先走黎方叔叔度，見到佢第一時間就只有呆企。

「你地快Ｄ過黎啦，我好耐無同阿志佢傾計拿，我叫左工人整左好多好野食，你地都過黎食Ｄ啦。」方叔叔叫我地過去，而我地都囉有掛住認命既心情行過去坐。

一直舅父都係用一個你個死仔搞單咁大既野既眼神望住我，而我就不停咁回避佢呢個眼神。





行到去，坐低，方叔叔即刻介紹佢個仔比舅父識，「阿志，呢個係我個仔，佢做公安架，同你一樣。」

「你做大哥，你個仔就當差，咁你地食飯果陣未可以互報消息，好方便ＷＯ。」舅父講笑咁話，而方叔叔聽到佢咁講後就大笑，但方瀡，就用一個好特別既眼神望住舅父。

點解既？點解方瀡要用呢一種眼神望住舅父呢？佢既眼神，就好似想看穿舅父一樣，佢由頭到腳，由腳到頭打量舅父，然後微笑左一下。

「呢位世姪睇上黎對我好有興趣ＷＯ。」舅父都用同一個眼神望返佢。

「係啊。」方瀡案覺到舅父佢開始起戒心，就微笑左下唔再用頭先既眼神望住佢，然後話：「係啊，志叔叔，我成日聽阿爸佢講你Ｄ野架。」





「係啊，老方你究竟同你個仔講左我Ｄ咩野衰野。」舅父又講笑。

「關於賢仔阿爸既事，我阿爸都有講。」方瀡突然既認真，好似掌握住全場既氣氛。

「係啊。」但係舅父就好淡定咁望住方瀡話：「咁我又好想知你阿爸同你講左Ｄ咩ＷＯ。」

內地公安對香港警察，大戰一觸即發。