現場既氣氛無被佢地兩個認真既對望而影響到,因為我地見到一枱既好西,都無咩點理佢地兩個,除左,我同阿妹。

唔知係未兩雄交手前,都要你眼望我眼咁,事關成程食飯時間,舅父同方瀡都無食野,全程對望住大家,如果唔識佢地既人,唔知佢地兩個身份既人,可能以為呢兩個男人係未HEHE,眉目傳情緊都似。

「阿哥……」阿妹係我旁邊講:「你覺得佢地兩個係未有D怪。」

阿妹,佢地兩個唔係有D怪,係好怪囉。

「阿哥,你覺得佢地係未唔鐘意大家啊?」阿妹,我點知。





「阿哥……」阿妹,咩妳咁多問題架,「點解你到左咁多胡椒粉入湯到既,好飲D架?」

阿妹呢一問我先回一回神,望住面前果碗胡椒粉多到湯面都見唔到既湯……「阿哥你仲飲左幾啖架WO,無事嘛?」

阿妹呢一句後,我先FEEL到胡椒粉開始黎料……

「咳!!!!!!」我不停係度咳,而果兩條友終於都無再對望,而同時望住我。

「賢仔,你小心D啊。」舅父話。





「係啊阿賢,聽日仲要同查你阿爸D野架。」方瀡話,然後望一望舅父。

「係啊,真係多謝晒方瀡你啊。」點解舅父呢一句多謝,聽起上黎都唔似多謝既。

「唔駛多謝,查案係我地公安要做既事,希望D人唔好將D事實收埋就好。」方瀡你呢句係特登講比舅父知。

「咁,我希望你可以好快將個事實搵出黎。」舅父話,而我咳完後望一望舅父,見到佢既笑容入面帶住挑釁。

「好啊。」方瀡都笑左笑,而佢既笑容係帶住接受挑戰咁。





而呢個時候,阿欣終於肯過黎關心下我,「阿賢……」「放心,我無事。」「唔係啊,我睇得出佢地兩個想去玩好玩既野,我又要去玩。」阿欣,你貪玩少陣得唔得。
已有 0 人追稿