食完野後,舅父叫我話有D野想單獨同我傾,唔通,係運偵單野,呢次大鑊了,班兄弟同阿妹好緊張咁望到我實一實,而唔知情既阿欣就好天真咁望住我笑,係呢一刻,我都想好似佢咁。

行到一邊,舅父問我:「點解無啦啦粒聲都無就走左?」

我望住舅父唔知點答。

「想過黎搵它方問你阿爸D野話我知先嘛,無啦啦唔見晒D人,嚇得我,好彩你舅父我醒目搵到搵到黎呢度。」舅父話。

咦?仲以為舅父會問我地運貨D野添,我好似如釋重負咁話:「係啊,係阿妹想黎搵方叔叔架。」





舅父聽到我講後話:「係你阿妹話你知方叔叔D野?」

「阿妹話我知有方叔叔呢個人,但果陣仲未知方叔叔同阿爸係咩關係,到步方叔叔就講左佢同阿爸係好兄弟。」我答佢。

「仲有呢?」舅父問。

「阿爸點解會……」我望住而家既舅父,唔知點解,佢好似有D野,「……同埋阿爸點解會死。」

「仲有呢?」舅父又問。





「無拿。」我答佢。

舅父諗左諗又問:「咁佢個仔呢?」

「你話……方瀡?佢帶左我地去一個檔案室到,睇阿爸單野囉。」我如實咁答佢,然後見舅父好似有少少露難色咁,然後講:「之後佢帶你去做果D野,你事後都講我知,知唔知道?」

點解,點解係我眼前既舅父會咁緊張既,「……知道。」
已有 0 人追稿