[惡搞無極限] 就係咁，我同幾個豬朋上左大陸獵金: ２２３　懷疑

舅父同我講完野之後，我就返左房，原來其他人一早就係房等我，我所講既其他人，有阿輝，阿倫，阿欣，阿妹，就有剛剛返黎既阿俊。

「阿哥，舅父搵你咩野事？」阿妹問我，佢神色有Ｄ擔心，「係未我地送貨果件事？」

「唔係。」我答佢，然後大家好似如釋重負咁，除左阿欣。

「咁你舅父同你講咩？」阿倫問。

「佢叫我，方瀡每次帶我地去查阿爸Ｄ野後，都話比佢知查左Ｄ咩。」我答佢地。





阿倫同阿俊聽到後，都覺得有Ｄ奇怪，而阿俊問：「點解要話佢聽呢？」

「佢擔心掛可能。」我講出我既諗法。

「如果佢擔心，可以跟埋一齊去架。」阿倫又話。

「咁又係。」其實舅父呢一個舉動好奇怪，好似唔想我地知道阿爸件事係點，阿妹係旁邊見到我地咁，就話：「可能舅父真係擔心我地姐。」

究竟，舅父點解會有咁既舉動？