[惡搞無極限] 就係咁，我同幾個豬朋上左大陸獵金: ２３７　這姑娘，多少錢

我地一行三人小心翼翼咁走出方叔叔既大樓，走果陣，方瀡再望一望周圍，確保舅父佢無跟過黎。

行左一段路後，方瀡截左部的士，「上車。」佢示意我地上車，而我上車果一刻，見到阿俊佢同一個未見過既人講野，而附近，阿輝同阿倫就好似係旁邊監視住咁。

但而家呢一刻，最重要係我阿爸既事，所以我都唔多理佢地做緊咩。

係車上面，我地三個人都無講野，好少何阿欣唔講野，我用一個好奇既眼神望一望佢，而佢就問：「就咩用咁既眼神望我？」

我答佢：「平時既妳應該好嘈架。」





「我覺得，今次件事我要嚴肅ｄ，不竟係世伯死既事，雖然，果種玩既心情係幾難按奈，但我會努力既。」聽到阿欣咁講，我唔知點解覺得好欣慰。

架車都行左一陣先到目的地，一落車，我一睇，我地去左一個舊區度，附近都係一ｄ好殘舊既屋。

「你地小心ｄ唔好四圍行，因為呢度ｄ屋好舊，整親你地兩個就唔好。」方瀡千叮萬囑咁話。

我同阿欣好小心跟住方瀡行，「呢度好似有好多野玩咁ｗｏ。」阿欣話，唔通佢想玩既性格又開始出現。

「阿欣，妳要忍住。」我同佢講。





「知道，我會努力。」佢答。

方瀡聽到我地兩個既對話，笑左笑，「呢ｄ係咩野既對話啊。」

行多陣，方瀡就停低左，「係呢度。」係我眼前，係一個石屋……係未石呢？佢成間灰色，爛爛地，無突，只係有一個門口，門口仲要係用一塊就爛既木打直放係度就算。

「入面？」我問方瀡。

「係啊。」佢答我，然後我再望一望呢間石屋，屋入面，無光，因為我係塊好爛既木望入去，係全黑，唔通，好似方瀡咁講，果個人訓左？





方瀡輕輕咁推開果度門，「請問有人嗎？」問題所等待既答案係一片靜寂。

「唔通唔係度？」方瀡自問自答。

而我同阿欣就企左係屋既出面，呢個時候，有個爛身爛世既人走左過黎，望住阿欣，然後再望一望我問：「小兄弟，這姑娘，多少錢？」

咩撚野啊！呢條友而為我扯皮條啊！

阿欣聽到後，緊握左拳頭對住佢話：「哪你又多少錢呢？」我見到阿欣既怒火，係直線上升到佢既頭冒煙。

但估唔到果條友無驚到，仲有一個喜出望外既眼神望住阿欣話：「我不用錢，免費的，想不多我這樣的人也有人看上啊。」

阿欣佢忍無可忍，一拳過去打暈左呢條友。

而方瀡聽到我地呢邊有ｄ嘈，就出左黎問：「仲咩……事？」佢望到訓左係地上面既果條友，就話：「呢個人係？」





「無，佢唔識死未點寫惹我姐。」阿欣話。

「唔係啊，我係想講，呢個人就係我地要搵果個人啊。」方瀡講完行左去扶起比阿欣打暈左既果條友。

唔係掛，我地要搵既人係呢條友！？