[惡搞無極限] 就係咁，我同幾個豬朋上左大陸獵金: ２４２　舅父的爆樽

「真係既阿哥？」阿芳聽到我咁講後，好激動，「帶我去搵佢！帶我去搵佢！帶我去……」可能，心力交瘁一陣既阿芳，最後都支持唔住暈左。

「媽咪！」賢仔見到阿芳暈左，就不停係度喊，而我，就送左阿芳去醫院。

我將阿芳入左醫院件事話左比阿福既爸爸媽媽聽，而佢地好快就黎，我話比佢地聽既原因，係因為想佢地黎睇住賢仔，仲有想問一問佢阿爸Ｄ野。

係病房阱面，我同阿福既阿爸並排而坐……

「阿福，佢上左大陸。」我話，但佢阿爸無出聲。





「佢呢次上去，唔知有無機會返落黎。」我再講，佢阿爸都係無出聲。

「我有Ｄ野想問？」我問佢，而佢就望一望我，好似等緊我講野。

我將阿福點解要返上去既原因話左比佢阿爸知，然後就問：「我想知道，果個女人同果個細路女係……」「係阿福係上面既女人，而個細路女係佢親生女。」

其實我都知道答案，只不過係搵多個人確定一下，而且，我聽到個答案後都好冷靜。

佢阿爸，嘆左口氣話：「佢要行呢一條路，我管唔到咁多。」





「咁你有無後悔過當初一開始無叫阿福唔好走呢條路？」我問佢。

佢笑左笑後同得講：「我記得，我都有問過阿仔同同類型既問題，問過佢有無後悔過行呢一條路，而佢就好認真咁望住我講：『唔理我係行邊一條路，做律司又好，做廚又好，做黑社會大哥又好，我係唔會對我所做過既事而後悔，我只後悔我無去做我想做既事。』」佢阿爸講完之後，好欣慰咁笑左笑後又話：「有時我覺得，我個仔仲識諗過我。」

係，我呢個兄弟就係咁樣既一個人。

阿福阿爸從佢衫袋拎左個地址出黎，然後話：「呢個係佢上面女人所住既地址，如果你想幫阿福手，可能會有用。」

我接過果張紙，然後話：「點解你會覺得我會上去幫阿福？」





佢阿爸又笑左笑，「因為，我都係個男人。」

「咁你地可唔可以幫我睇住佢地，我而家就上去搵佢。」講完後，我就走出醫院，打左個電話：「喂，我要著草返大陸，幫我留個頭等位。」

——————————————又係你啊回憶線———————————————

「呢個頭等位真係好伏。」我同舅父講。

「係，我果陣坐入去嘔撚到我仆街。」舅父答。

「都唔撚知邊個諗出黎。」我講完後，舅父指一指果位老前輩話：「未就係呢個著草王諗架囉。」

老前輩笑左笑話：「就是要讓你們這些人知道，跑路就勿想要這麼舒服。」

老前輩，你好野。





———————————————可愛的回憶線返黎ＬＵ————————————————

上到去，嘔到阿媽都唔認得之後，我就搵左我係上面最幫得手既線人。

「志ＳＩＲ～你好耐無搵人地拿～想掛死人地咩～」無錯，就係呢件貌似阿雪既毑型。

「唔好講咁多住，勞斯萊斯，我想你幫我搵一個人。」我比左阿福張相佢，然後佢就話：「無問題～呢Ｄ事簡單啦～唔好講咁多住，咁耐無見錫啖先。」

「你幫左我搵呢個人後先再比你錫啦。」我答。

「次次你都係咁講……」佢扁嘴個樣真係想一拳打撚死佢，「……信埋你呢次啦，記住你欠我一個錫錫啊。」

飲多左幾支酒，有少少醉意加尿意，去廁所又……呢度係間ＧＡＹ吧廁所永遠無位同危險，我都係去後巷搞店算。





係後巷度，我正想小便之際，見到呢度其中一個女服務生，我緊係即刻收返埋我個……重要部位啦。

「唔好意思，我唔係想……」我連說話都未講好，就見呢個女服務生拎住支玻璃樽衝向我度，爆左我樽。

個頭，好重……估唔到，一上到黎就比人樽……

「點解！點解你地呢Ｄ男人要煩住勞斯萊斯！要阻住我同佢既發展！」呢一句，係我暈低之前所聽到既說話。