[惡搞無極限] 就係咁，我同幾個豬朋上左大陸獵金: ２４３　那條刀疤

到我醒返果陣，已經係醫院到，而坐係我旁邊既，係勞斯萊斯，「你醒拿？」佢問我。

我坐左係身然後望一望佢，「發生左Ｄ咩野事？」

勞斯萊斯好心痛咁望住我，然後話：「好對唔住啊，我地有個女服務員，因為……因為有Ｄ事所以不停咁襲擊人。」

我見佢講到好似有少少野隱瞞咁，我都無謂問到佢咁白。

「我訓左幾耐？」我問佢。





「幾日姐。」佢答我，然後我就同佢講：「我而家要即刻出院！我有好兄弟有事而我已經訓左幾日！唔可以再浪費時間架拿！」

「方瀡，你冷靜Ｄ先，你要我打聽既野已經打聽到。」勞斯萊斯拎左張紙比我，「呢個係我搵返黎既地址，佢去左一個叫『著草王』開既和平飯店，我幫你搵埋點樣去，而且你想搵果個人應該仲係度。」

「唔該晒你。」我好認真咁望住勞斯萊斯話，然後佢都好認真咁望住我：「唔駛講多謝，還返個錫錫比我就得架拿。」

「我去睇下點樣出院先。」痴線既，鍚你既話我死左佢好過。

阿福，你等我，我好快就黎幫你手。





———————————————回憶事又再講拜拜先————————————————

「原來勞斯萊斯講比我地知，ＭＡＮ姐不爆人樽果段時間，舅父你都係其中一個受害暫？」我問舅父，而在場既阿欣就問：「果兩個人係邊個黎架？」

「一陣先話你知。」我是但應左阿欣後就講：「咁舅父你去到和平飯店後，有無見到阿爸。」

舅父點一點頭，「有，而且佢好似搞左單大鑊野，整到老前輩佢都要出手。」

「竟然！？」我話。





「是時候說那件事嗎？」老前輩笑了笑說，而舅父也笑著說了一句：「係啊，輪到你拿。」

老前輩將佢既衫袖起，露出左一條好大既刀疤，向住我造：「小子，你知道嗎，這條刀疤，是你老爸送給我的。」

我望住果條刀疤，係由手腕去到膀頭，呢一刀睇黎好深，因為條疤都好粗大。

「小子，準備好聽你爸的故事嗎？」老前輩問我，而我點點頭。

「那，就要從看到你爸吐到一身都是的那一天說起。」