雖然,呢度係頂樓,但係點解都可以嘈成咁?我係張床上面走左落黎,望出窗外,樓下,係一大片人海,全部都係好勇鬥狠既江湖中人。

眼見咁大陣杖,平常人應該唔會出房等件事自己搞店算,但係我呢個咁多事既人,又點會袖手旁觀,更何況,呢度係平叔開既飯店,我點都要落去幫手。

一落到去,已經見到一大班人馬坐晒係度,而佢地面前既平叔,就只有一個人坐左係度,好冷靜咁飲緊茶。

而我認得果班人個坐得最前既兩個人,一個,係我死對頭暴龍,而另一個,係我係佢手上面搶左泙兒既人。

「你呢個老野,我地長恨哥要搵既人,你都係收埋,嫌命長啊?」暴龍對住平叔話,而佢講果個長恨哥,就係果位比我長左泙兒既人,呢十年係呢度橫行無忌既大哥。





平叔聽到暴龍既說話,無理佢繼續飲茶。

「仆你個街,死老野仲係度嘆茶,仲唔快D叫條撚樣出黎,要我地長恨哥等幾耐啊。」暴龍哥又話,平叔仍然當佢無到。

「頂你啊!我講野你當我唱歌!」暴龍拎起張木椅行埋平叔到想一野車落去,平叔見狀雙目望住佢一瞪,「你敢!」平叔不怒而威,暴龍佢退後左兩步,手中既木椅跌左落地。

「暴龍,你怎麼可以對前輩這麼無理,更何況,他也曾經算是我的岳父大人啊。」長恨哥慢慢道出:「今天過來,只是想看一看你啊,平叔。」

平叔聽到長恨哥咁講後,笑左笑:「你帶這麼多人來這裡,不是為了看我這麼簡單吧。」





「湊巧,辦點事,人帶多了一些,不介意吧。」長恨哥話。

「我說介意的造,你會把這些人都撤了嗎?」平叔問,而長恨哥聽到後笑左幾聲:「平叔,你是傻了嗎?要我撤了他們,那我為啥要把他們都帶過來?」

平叔放低手中既坐,手慢慢係枱上面掃左幾下,「所以,不撤是吧。」話音剛落,枱就支離破碎散落滿地。

眾人見到目定口呆,我都係一樣,除左長恨哥,「看來,老前輩依然寶刀未老,你不想讓一步,我也沒辦法,不過,我長恨哥要的人,一定會到手。」

長恨哥講完呢句後,企左起身,臨走出門口,問左一句:「泙兒她,好嗎?」呢一句,係望住我問,但係問完佢就走左。





見到D人散去,我都即刻走到平叔面前,問佢:「你無事嘛平叔?」

平叔笑左笑話:「我那會有事?」

「是啊,平叔是不會有事的。」大寶都係到,佢行左過黎拍左拍平叔,「不過啊,他們是移著那個人來的呢?」大寶呢句問完後,望住我。

「平叔,唔好意思,煩到你。」我同佢講。

「沒關係。」平叔仍然係好冷靜咁飲緊茶。
已有 0 人追稿