班人走左後,我坐係平叔面前問:「佢地,係你搵我既?」

平叔只係笑一笑,無答我個問題,只係話:「我拿一個大包給你。」

平叔行左入去拎大包,而大寶就問我;「你為甚麼會惹到他們?」

「說來話長啊……」我同佢講:「我搶左佢條女。」又話說來話長,簡單一句未講晒囉。

大寶聽到我呢句後,拍案叫絕話:「大哥,好樣的,有種。」





我對住大寶冷笑左一下,呢一句有種,都不知累左幾多個人。

而平叔就係呢個時候拎左個大包放左係我面前,「食吧。」我望住剛剛整好既大包,個大包仲要係熱到有煙果隻,一手拎起,無理過熱唔熱,一啖咬落去。

「這麼熱,不涼一下嗎?」平叔笑住問我,而我咬左一啖包後,就問佢:「頭先,長恨哥佢話你點都算佢岳父,咁姐係……」

「我女兒,曾經是他的妻子。」平叔好冷靜咁話,然後佢望住我,「現在,是你地小三是吧。」

下!?我真係無諗過係我面前呢位係泙兒阿爸!!!我當堂嚇到噎到!





「小子,聽到不用這麼激動啊。」平叔拍一拍我既背,而大寶聽到後都好驚訝話:「你是泙兒的……」

「關你啥事?」平返瞪眼望住大寶,大寶唔敢出聲。

而平叔心平氣和咁坐左係度話:「放心吧,有本事的男人,都是三妻四妾的。」係真唔係啊你啊,咁大方都有既,「我以前,女人兩隻手也數不完。」唔怪得你咁講啦。

「又在想當年。」大寶不屑咁話。

「你這小子不用去忙嗎?還不閃邊去。」唔知點解,總係覺得平叔同大寶講野既語氣好特別。





大寶聽到平叔既說話,真係好乖咁走左,而我望住佢既背影,果種感覺又返黎,無錯,係江湖既直覺,唔知點解,望住佢我感覺到有一個不祥之兆,不過,會奉兇化吉。

而當我望住遠走既大寶,平叔就問我:「我女兒她,好嗎?」

我回一回神後答佢:「佢好好啊,佢同我生左個女。」

平叔聽到後,好歡喜咁話:「原來,我已經當了外公也懵然不知。」佢又飲左啖茶,然後話:「有我小孫女的照片嗎?」

我拎出我地唯一既全家福比平叔睇,平叔佢睇到後,笑到見牙唔見眼,「我當外公了,我當外公了。」

——————————————回憶線要休息下先———————————————————

「所以,你係我外公?」阿妹聽到呢度,好激動咁問果位老前輩,而老前輩早已經眼泛淚光,同阿妹講:「我盼了多麼久,也是盼今天啊,我的好孫女。」

「外公!」阿妹跑左去老前輩度,蹲左係佢面前,望一望佢:「我無諗過,我除左阿哥,仲有另一個親人係世上啊!」





「我也是這樣想啊,我也沒想過能活著見妳呢。」老前輩講完呢句後,就抱緊阿妹。
已有 0 人追稿