刀光劍影,成條街上面都係怒漢不停揮動手中既武刀,而老方比我同阿志行前,佢前面就有好多小弟幫佢開路,好快,就殺出左一條血路。

係佈滿紅既道路上,我唔知上面既血黎自邊個,我只知道,呢條血路,我行上一次,絕對唔會有第二次。

好快,我就見到一個大臺,臺上面坐住既,係一副高高作上既長恨哥,係旁邊,有我阿媽,長恨哥將我阿媽綁起左,佢不停咁係我阿媽面前舞動手中既刀,而我阿媽就嚇到不停喊,不停求饒。

「長恨哥!!!!!!!!!」我一聲大喝,長恨哥望向我既方向。

現在就好似靜止左一秒鐘,呢一秒鐘,就好似成個世界只有我同長恨哥咁,而佢對我笑左一下,然後一聲領下,「全部都給我上!!!」





就好似長恨哥所講,佢D兄弟,一湧而上。

「阿福,不管你怎樣好勇,你也殺不進我的兄弟們吧。」長恨哥仰天大笑,然而……「砰!」又係一下既槍聲,目標直指長恨哥,只可惜,子彈無穿過長恨哥,只係打左落佢腳邊都幾遠下既位置。

而長恨哥就四處張望,大聲喝罵:「是誰在他媽的搗亂!」一個無回應既問題,令到長恨瑭怒火上升。

而我,就無理佢,繼續殺上臺,「阿志,老方,我要上臺,你地幫手。」我只係講左一句後,就開始我既行動。

佢地兩個緊隨住我,我亦好放心將我既背後交比佢地兩個,一路上殺得好順利,好快,我就上左台,面對住長恨哥,以及佢捉住左既阿媽。





「你再走前一步,就跟你娘說聲再見吧。」長恨哥得威同我講。

我真視住長恨哥,「所有事都係我呢個人先搞成咁,你要搞既,就搞我一個人就好,唔好搞我屋企人。」

「不要動你家人!?阿福!你動我的妻子時!有想過這個問題嗎?」長恨哥話。

「我同泙兒係真心相愛,況且我對佢好好,而且佢根本就無愛過你。」我話。

「就算不愛!我也不會交給其他人!」刀架係阿媽既頸上面,阿媽已經嚇到咩發應都無,只係呆望住一個地方。





而大寶呢一刻都殺到,「我姐是因為我才跟你在一起,想真的,我也不想她跟你,因為你是一個狗狼養!!!」大寶向住長恨哥衝過去,我喝都喝唔住。

「就憑你,可以傷到我嗎?」長恨哥手一揮,先係向大寶既腳斬出一道傷痕,然後向上一拖。

「啊!!!!!!!」刀落下既位置,正係大寶雙腿之間,佢流出好多血,而且,就有一舊肉跌左出黎……大寶佢痛萬分咁大叫。

「你條仆街!!!!!」「砰!」槍聲配住我既怒叫,我被槍聲一嚇,窒左一窒後繼續向前衝,無理到,係我身後,接住大寶既老方,「究竟係邊個開槍。」佢望住頭部中槍既大寶怒罵中。

——————————————回憶線又要暫時出現——————————————————

「舅父,你唔好話比我知大寶佢比長恨哥佢……」「係,大寶佢比長恨佔閹左。」頂!!!男人最痛啊!!!等等先,但點解阿欣佢頭先……

「下?佢下面無左?咁點解我頭先狂踢佢下面,佢會痛既?」阿欣問,其實點解佢可以問得咁理所當然。

舅父同老前輩望一望大寶,然後話:「有D野叫做創傷後既陰影,仲有果一下既槍傷,令到佢變成而家咁,但係佢仍然忘記唔到自己比人閹左既果下痛,所以只要有人觸碰佢果度,佢都會痛苦萬分。」





「舅父真係慘啊。」阿妹話,又係WO,計落大寶係阿妹既舅父WO。

「咁樣……」我望住舅父問:「究竟係邊個開槍?」

舅父只係嘆左口氣,然後繼續講呢件事。
已有 0 人追稿