[惡搞無極限] 就係咁，我同幾個豬朋上左大陸獵金: ２６１　不枉此生

而家係我眼前，就只有長恨哥，每一步接近佢，我都感到動地天搖，唔係係我既錯覺，定係……

「啊！！！」呢一叫，係用黎壯膽既，然後，一刀劈過去，長恨哥好快就用佢把刀回應，「我和你都是出了名很拼很殺！這次就要比個高低！」

「阿囝……」本來呆左既阿媽見到我終於都醒返少少。

「阿媽，你快Ｄ跟阿志佢地走，呢個人，我係唔會放過。」刀光劍影下，我用長恨哥既身上都覺自出現唔少既傷痕。

「好樣的！從來沒有人可以跟我打這麼久，你也算是第一人。」長恨哥話。





「彼此彼此啦，平時Ｄ人同我打都好早收皮，你都算頂得耐。」我笑一笑，然後一刀橫劈，劈向長恨哥既腰。

長恨哥佢一擋，然後一腳踢開我，我們之明暫時隔開左少少空間。

佢望一望臺下，笑住話：「你看一看，江湖能成就一個人，是用了多少的血，多少的屍體。」

「咁你仲買起我同我身邊既朋友！」我話。

「我不犯人，但可能人想犯我，所以，為甚麼我不主動一點，而且就像剛才所說，成就了我一人，是有了多少的血，多少屍體，那我，怎可能這麼輕易被你打倒！！！」「砰！」槍聲同長恨哥講完野既時間湊巧地吻合起來，「……是誰……」





今次，打中左，但係，只係打中左長恨哥拎刀既手。

長恨哥手中既刀落下，而臺下有Ｄ人好似見到長恨哥中槍，紛紛咁湧上黎，點解？點解頭先既動地天搖既感覺愈黎愈大？

原來，係個臺開始唔穩陣。

首先，係一班人從臺既左邊上黎，「長恨哥！」臺向果面傾斜，震左一下大震，應該，係斷左幾氣柱。

「長恨哥！」右面同時一湧而上既小弟們，好似就未察覺到呢個臺就倒塌，仲不停向上爬上黎，已經傳出左斷裂既聲音。





「快點幫福爺！」老方既小弟都殺上黎，只不過，我聽到老方同阿志不停咁叫，「唔好上去啊！就快塌架個臺！阿福！快Ｄ落黎！」但係，為時而晚……

臺倒楣，所有人都失去重心向下跌，個臺倒塌仲波及到旁邊一座小樓，撞上去既殘骸令到一個小房都一齊倒塌。

呢一剎那，我腦入面諗既，唔係我會唔會死，唔係我會跌係邊度，亦都唔係人生走馬燈，而係果間被波及既小房，跌出黎既人個身影，我好認得，係阿芳。

而我仲見到，阿芳手上拎住左一支香港警察專用既點三八手槍，呢支槍，應該係阿志支槍。

落下既數秒，係我腦中所諗既，就係原來開槍既人係阿芳，呢個諗法，一直到我跌落地。

好彩，我跌左係一堆人身上面，臺倒塌揚起好大既塵，仲遮住左個天，伸手不見五指既我，係身邊四圍搵，刀呢？刀呢？唔係呢個，呢個一摸就知道人既斷肢，刀呢？刀呢……係呢把拿。

我拎起刀後，叫左一聲：「長恨哥！」

而長恨哥好似聽到我既聲音，回答我：「阿福！」





睇黎最後一戰，要係呢個大塵環境了斷……

「砰！」第六下槍聲，阿志支槍既子彈應該用完。

點解……點解我背脊會有少少熱既……

「阿福！」我聽得出，好似係老方佢地叫我，但係有無人可以答我，點解……我個心口有Ｄ痛……好似有Ｄ野卡住左係入面……

灼熱既感覺不停係我背部傳出，慢慢由熱變凍，點解……我手腳好似無晒力咁既……我既刀呢？原來，已經一早蹤左係地上面……

我傳個身，望一望我背後，塵散左少少，好似見到少少野，點解……好暈……好似企唔穩……我眼前……正前方既……阿芳……點解用支槍指住我既……

點解……佢頭好似出左好多血咁……點解……佢對眼好似傷左……而點解……我既視線會慢慢變到……係望住個天既……





塵散去，我訓係呢個佈滿我Ｄ血既地上面，望住蔚藍既天空，「阿福！」第一個跑到過黎既，係老方，呢個陪我出生入死幾十年既兄弟。

「阿福……」再黎既係阿志，係我第二個好兄弟。

「……老……老方……」係咩野係我講野果陣阻住我啊，一陣血腥味，原來，係我嘔出黎既血。

「阿福！唔好講野住，我好快叫人黎……」我用盡我最後既一道力捉緊老方，「……泙兒……可兒……」

「知架拿！睇住佢地！我會好好睇住佢地！」得到老方既應成，我就放心。

我又捉住阿志隻手，「……賢仔……阿芳……」阿志佢望一望某個地方，然後答我：「放心，交比我。」阿志幾時都信得過。

等等……有Ｄ野唔記得左……我係條頸到扯斷條鏈，呢條鏈係我同泙兒佢地影既合照……

「比……比可兒……」我拎比老方。





「……好。」老方點解要喊既？

阿志呢？阿志都……等等……唔好熜燈住……我未望我既好兄弟……我望一望阿志，問佢：「阿芳呢……」

阿志扶一扶我，我見到阿芳，佢訓左係另一邊，身上都有好幾處傷痕，「……記住……唔好比佢有……事……」

「……知道。」阿志都喊緊。

我全身放鬆……好凍……凍……眼前既影像慢慢黑起上黎……「阿福！」我仲聽到佢地叫我既聲音，但係呢Ｄ聲音，慢慢就無左……

有兩位咁好既兄弟陪我，建立左兩個家庭，有兩位好愛我既人，有一仔一女，而到最後仲能夠死在自己最愛之一既人手上，我阿福，不枉此生。