[惡搞無極限] 就係咁，我同幾個豬朋上左大陸獵金: ２８０　信……

老前輩因為擔心只係我地帶佢去大寶，所以佢都跟埋黎，都好既，老前輩跟埋黎的話，如果打起上黎佢都可以幫下手。

而大寶因為比二號機打過，佢好似好驚所有人咁，除左阿妹同老前輩。

係火焰山前面，我同阿欣都膽戰心驚，而阿妹同老前輩就睇住大寶，我地慢慢行去個門前面，但未行到過去，度門已經自己打開。

從道門望入間店，見到果位大叔揮緊手，原來道門打開，係佢用怪風打開，「好耐無見拿，好兄弟。」

大寶匿左係老前輩既身後面，探頭望入間店入面，見到大叔手上面既鐵扇公主紋身後，不停抱頭係度大叫：「姐夫！！！！！！」





睇黎大寶咁大反應，再加上佢呢一句大叫，呢位大叔一定知道遺書既事。

「舅父，你無事嘛？」阿妹好擔心咁問舅父，但而家呢一刻既佢，根本回答唔到任何既野，而老前輩係旁邊，扶住大寶同我地講：「他現在這個樣子，是不是不要讓他進去比較好？」

聽到佢咁樣講，再睇一睇大咁痛苦既樣，老前輩都講得無錯，但就當我想話唔好帶大寶入去果一刻，大寶竟然講：「我要……進去……有很重要的……事……」

佢甩開左老前輩扶住佢既手，慢慢一步一步行入去火焰山，而我地就跟住佢身後面。

「好兄弟，你出左事咁耐都去唔到睇你，真係對唔住。」個大叔話，然後就望一望我地，「你地搵個地方坐啦。」





睇黎今次唔會被佢趕出去。

我地幾個都望住果位大叔同大寶，果位大叔話：「自從果次比人罰要永遠守住火焰山後，我一步都唔可以離開呢度，果朝早見完你同你班朋友後，我都發生左好多事。」佢黯然咁嘆左一口氣，而佢既事就係另一個故事了。

大寶叫到佢嘆氣後，拍一拍佢，「……信。」大寶佢依然好辛苦咁，但係佢仲堅持住。

「你比我既野，我保存得好好，放心，我而家入去拎比你。」大叔慢慢起身行入店後既細房，而行入去前，就同我講：「一陣我就同你交代下你朋友既事。」

而我聽到佢咁講後，就話：「果件事唔急，而家急既係果封信。」





估唔到，咁快就可以搵到第一封阿爸既遺書，唔通阿爸真係保佑緊我地？