[惡搞無極限] 就係咁，我同幾個豬朋上左大陸獵金: ２８１　拆信

我而家既心情好緊張，因為就快可以睇到阿爸寫比我地既第一封遺書，我手心冒左好多汗，我諗阿欣都會感覺到，因為呢一刻，我捉到佢既手好實。

果位大叔入左去好一陣，出黎果陣拎左一封泛黃既信，「呢封信放係我度咁耐，終於可以拆拿。」

佢好簡單咁將封遺書放左係臺上面，而我地心情就好複雜。

「等你地睇完封信後，我再講多兩件事比你地知道。」個大叔話，但我已經無理到佢講既野，拎起左封信，望一望阿妹。

阿妹向我點一點頭，我亦都慢慢拆開左封遺書。





第五封遺書

阿賢、可兒：

如果你睇到封遺書，我真係好開心，因為你地肯花時間去搵阿爸留比你地既野，我唔知呢封遺書係你地所見到既第幾封，但係可以話呢一封係最重要既一封，因為無左呢一封遺書，你地係無法拆解到其他四封遺書入面既提示。

其實，我有好多野想講你地知，今次呢封遺書，我想話比你地知一件事，阿爸每次面對困境既時候，都會有無助既時候，但係你地要冷靜Ｄ諗方法解決，因為事情永要都有解決既一日，放係度只會成為一個計時炸彈，慢慢去拆，唔駛急，覺我自己一個人處理唔到，唔緊要，記住你地身邊仲有好多人，你地既親人，你地既朋友，一個人好難成就大業，但係集合多幾個人之力，點都可以做到Ｄ野。

所以，努力Ｄ搵落去，我唔知你地手上有幾多提示，但係記住要堅持，因為我真係有好多野想話你地知，想同他地做好多野，一齊生活、玩、唱歌……





講起唱歌，賢仔，你記唔記得你最鐘意聽邊幾首歌啊？阿爸就記我，有「朋友」、「漣漪
」、「早班火車」、「讓一切隨風」、「一起森巴舞」、「不浪漫罪名」。

你仲成日用結仔彈呢幾手歌添，好想，再聽你彈一次……

阿爸　字

我同阿妹睇完呢封遺書後，好感觸，因為內容所講叫我地要搵我地既朋友，我地既督人，而家已經陪伴緊我地。

呢一個機會唔係人人都可以有，有幾多人可以係患難，或要人幫既時候係你地身邊支持，真係好難得。





阿妹睇完封信後，微笑下流出左愉悅既眼淚，而我就緊握住阿欣隻手，錫左佢隻手一啖，然後，阿妹就問我：「阿哥，你鐘意聽Ｄ咁舊既歌？」

阿妹咁問後，我就答佢：「其實好奇怪，我睇左Ｄ歌名，其實，我唔係特別鐘意呢幾隻歌……」

「唔通，係阿爸留比我地既提示？」阿妹一言驚醒。

「可能係啊。」我答佢。

大寶見到我地睇完封遺書後，頭無再咁痛，不過，就訓左，而老前輩係一旁照顧住大寶，果位大返，就拎住本鹹書同我地講：「頭先我話有另外兩樣野要同你地講，其中一樣係你條女話見到你地朋友入黎果單野，而另一單，係大寶比遺書我果一日既事。」

「果一日既事？」我同阿妹問。

大叔望到我同阿妹既表情後，笑左笑話：「果日，除左我，大寶仲約左其餘四個人，分別將其餘既遺書交比佢地，我諗你地都想知佢地係邊個。」





聽到呢位大叔咁講，我地當然……「我地緊係想知啦。」

大叔又笑左笑，「果一日，係一個就快天光既早上，亦都係我最後一日係外面既世界睇到日出……」