[惡搞無極限] 就係咁，我同幾個豬朋上左大陸獵金: ３３２　問題時間

突然聽到呢個消息既我真係幾震驚下，因為如果還珠格格所講既係真話的話，姐係佢係阿妹阿姨呢個秘密，得我同阿欣知道？

真係估唔到，原來碇司令同阿妹係有親戚關係……等等！？咁碇司令知唔知道呢件事呢！？

我望住幅畫，見到油畫入面，所有人都係微笑緊，但除左碇司令，佢果種笑，係有一種心寒既笑。

「呢一幾件，我出走美紅吧既原因，係因為我要查找當年既事，我花左好耐時間先可以建立一個跨越整個中國既地下情報網，再用左Ｄ時間利用呢個情報網先可以搵到資料整合成件事既來龍去脈。」睇黎還珠格格對於情報真係有Ｄ本事，咁其實我可以叫佢幫我查阿爸Ｄ野姐。

「咁妳會唔會知道阿爸留左咩野比我？」我問，而還珠格格只係搖一搖頭：「其實我有試過，但係用左更耐時間去搵，都係搵唔到，只係搵到其他四個有姐扶遺書既人。」





竟然！？估唔到阿爸都收得咁密。

「不過我只係知道，姐夫收埋左其中既一樣野，係阿碇佢最想要既野。」佢話，而我聽到佢咁講當然問佢：「係Ｄ咩野？」

「係家姐留低既遺物，果份遺物係留比阿妹既，果樣野，係一個髮鉗。」佢答。

估唔到碇司令花咁大人力物力去搵既野，原來係一個髮鉗，呢個髮鉗對佢一定好重要。

「好拿，講左呢件事比你聽之後，我想問你一個問題。」還珠格格企係我面前，好認真咁望住我問：「你聽到呢件事後，會唔會阻止你阿妹，姐係時興隆，去搵碇司令報仇？」





呢個問題，真你好難答。