[惡搞無極限] 就係咁，我同幾個豬朋上左大陸獵金: ３４２　阿妹係二五仔

到第二日，阿俊都係未醒，而阿妹就醒左，不過佢就好驚咁抱膝住係牆角度，見到咁我只好行過去安撫左佢一陣先叫好返Ｄ。

勞斯萊斯好早盲過左黎，佢話我知碇司令果邊已經有動靜，不過果Ｄ動靜係佢叫晒全部人去搵還珠格格，因為佢拎左碇司令一樣好重要既野。

聽到咁，我開始係度諗，唔通還珠格格咁攸，係為左幫我爭取時間？

勞斯萊斯叫我拎張名單比佢睇，然後佢就話：「如果有呢Ｄ地址，就可以方便我地幫你搵。」

「但係，我尋晚都有上網搵過，不過搵唔到……」我話。





「上網緊係搵唔到啦，你估中國所有野都會放上網比人知咩。」咁呢樣野我一早就知啦。

「真係可以搵到？」我問。

「可以，就襯而家老闆佢引開左碇司令既時間，我地搵得就搵。」勞斯萊斯拎左張紙，然後話：「我諗半日左右，就可以知道大既位置。」

「好，我等你既好消息。」我講完後，阿欣就走左過黎話：「阿俊佢醒左。」

聽到呢個消息，我即刻返房搵阿俊，因為想問下點解會發生Ｄ咁既事，而當我見到阿俊後，佢第一時間同我講：「小心時興隆，佢可能係二五仔。」





下！？無可能會係咁既！？阿妹點可能係二五仔呢！阿俊你係未比人打到傻左啊？