[惡搞無極限] 就係咁，我同幾個豬朋上左大陸獵金: ３６０　真心ＷＯＲＫ

救護車上面勞斯萊斯好擔心咁望住ＭＡＮ姐，一臉自責咁話：「我真係衰，阿文佢搞成咁既時候，我竟然走左去。」

「唔好咁啦，呢Ｄ事有邊個會知道。」阿欣講完後，就望一望我講：「係未啊，阿賢？」

「……係。」我應左句後，繼續望住阿俊，唔通佢一直講得無錯，阿妹佢真係有問題？

但係如果真既話，以前同阿妹都經歷過好幾次既事件，佢都用盡晒力幫手，點解佢又要咁做呢？

究竟呢一刻，我應該信邊個好呢？





一去到醫院，阿俊同ＭＡＮ姐已經送左去搶救，而我地就係外面等緊。

沉靜，係最折磨人，就好似而家呢一刻，想諗野又諗唔到，但係心中有千萬個放唔低。

放唔低應唔應該唔信阿妹呢樣野。

直到搶救完畢，醫生話兩個都無事既時候，勞斯萊斯即刻放鬆晒，而我，就仲諗緊同一個問題。

勞斯萊斯而家先有時間理我，「阿賢，唔好諗咁多野住，有時有Ｄ野，你唔諗既話，個答案就會自自然然咁出黎。」





我聽到勞斯萊斯呢一個咁天真既想法笑左一笑，但係無諗過佢呢個想法係真心ｗｏｒｋ。