MAN姐入院既消息好快傳開,跟佢果D人好快就黎到醫院睇佢有無事,但係MAN姐依然昏迷緊,佢D兄弟都好鼓燥。

不過呢度始終都係醫院,所以勞斯萊斯都叫左佢地先返去收拾好殘局,唔好等MAN姐醒左要佢操心。

係病房入面,只剩返五個人,訓左係度既MAN姐同阿俊,我、阿欣以及勞斯萊斯。

「點解呢?」勞斯萊斯不停念念有詞,而我就問佢:「點解D咩?」

「點解佢一再襲擊我地,次次都唔趕進殺絕,次次都留活口呢?」勞斯萊斯講完後,我就諗返轉頭,又係wo,次次雖然都傷,但係無人死,但係聽聞碇司令咁惡怖,而且佢以前為左封遺書都可以殺左武則天,點解對我地又會咁呢?





唔通!?

「佢係未想靠我地搵晒D遺書,然後一次過搶走晒佢啊?」阿欣話。

而我好驚訝地望住阿欣,點解?點解阿欣無啦啦又會咁正常講句咁有道理又咁有邏輯既說話既?

「阿欣,妳講得好岩,妳好叻。」勞斯萊斯話,等等!我本來都想咁講架!只係唔知點解比佢講左先咋。

比人讚既阿欣笑得好開心話:「我緊係叻啦。」





而勞斯萊斯就問我,「阿賢,而家你地有幾多封遺書係手?」

「鐵扇公主一封、武則天半封……一封半,仲有你老闆還珠格格果封佢未比我,不過一該都走唔甩,可以計多一封,花木蘭果封要等同阿妹一齊去先拎到,唔知計唔計入去好……」「等等!」我未講完勞斯萊斯就喝停左我,「咩野事?」

「我係度諗,其實我地既一舉一動佢都好似知道晒咁,所以我可以估計,佢都知道我地搵過花木蘭,所以……佢會唔會派人去左花木蘭果度?」勞斯萊斯好認真咁同我講。
已有 0 人追稿