[惡搞無極限] 就係咁，我同幾個豬朋上左大陸獵金: ３６６　天上飛，地上追

我終於知道飛伯點解要整個飛行器出黎比自己飛，原來……飛伯佢行路係好很慢。

唔係普通果種慢，真係好很慢……

見到佢龜速既步伐，我地就佢既步速辛苦到呢……

「飛伯啊，點解你唔飛既？」阿欣問。

「要帶你地去目的地嘛，點可以飛啊。」飛伯答。





「唔係啊，你可以飛架，我地係地上面跟住你未得囉。」阿欣答佢。

「我係上面飛，你地係地上面跑，係唔會跟到架，而且我咁快。」飛伯話，係啊，你好快啊，飛果陣。

「唔係啊，你真係試下飛啦。」阿欣又話，而飛伯佢突然停左係度問：「妳而家係未厭我行得慢先？」睇得出飛伯好似有少少發老脾話。

死啦，無啦啦整到飛伯嬲添，點收科好呢？

但我估唔到，阿欣會講左以下呢Ｄ說話黎令到飛伯無ＨＡＲＤ　ＦＥＥＬＩＮＧ不特止就起飛添。





「無啊，因為我覺得如果你飛上天，我係地上面追住你……」阿欣佢好興奮指住個天，然後一副喜悅既樣子望埋上去話：「一定好好玩架，我一諗到就已經好興奮好想玩，但係飛伯你就選擇行路……」

「妳呢個姑娘仔真係貪玩。」飛伯收返Ｄ火，笑笑口話。

「係啊，我好貪玩架。」阿欣好可愛咁犯傻中。

「好啦，就陪妳癲下啦，不過如果我見妳追唔到，我就落返地架拿。」飛伯發動起佢既飛行器。

「好野！有得玩！」阿欣佢開心到係原地不停跳。





都唔知阿欣係有預謀地咁講，定係真心想為左玩，不過應該係後者居多，但係唔熟佢既勞斯萊斯同花木蘭就向佢投放一種讚佢既眼神。

當然啦，阿欣都唔知佢地兩個點解要咁做。

而就係因為咁，我地就準備左個起跑動作，等飛伯飛上天後，我地就駁命追。