【真人真事改編】《去年暑假，我在街上賣寬頻。》: 《去年暑假，我在街上賣寬頻。》（四十一）

　　企了幾天大埔昌運中心，戰績尚可，一開始還開到兩張單，之後都拍烏蠅，便主動向浩哥提出到其他同區地點開工，轉一轉運。這次我來到了「大埔墟港鐵站行人隧道」。
 
　　這位置人流不斷，因為隧道通出去的是巴士站和小巴站，而巴士大多是「Ｋ」字頭的港鐵接駁巴士，可免費轉乘至大埔中心、富善邨和廣福邨一帶，相當方便。
 
　　雖然這裡可免陽光暴曬之苦，但是空氣卻不太流通，加上人群一波接一波翻騰著，行動節奏較快，所以拉客也不容易。而過來跟我對話的，都是問路者，巧合地，都是問我怎去「大美督」：
 
　　（一）一位伯伯問：「阿哥哥仔，請問喺邊度搭小巴去大美督啊？」我答（微笑狀）：「直行轉左就係小巴總站，嗰度有指示可以睇返。」
 
　　（二）一對父子問：「請問邊度可以租到單車踩去大美督呢？」我（苦笑狀）答：「後面轉左直行兩分鐘會見到單車舖。」
 




　　（三）一個運動裝中年男人問：「哥哥，請問你識唔識點樣行去大美督？」我（驚訝狀）答：「嗯……你問Ｇｏｏｇｌｅ　Ｍａｐ仲好啦！」（我心諗：唔係話唔畀你行過去，你咁問姐係好似要我仔細幫你導航咁，就算識行都答唔到你啦，雖然我係唔識……不過有少少知識都知咁行法行到凌晨都未行完啦！）
 
　　（四）一班女中學生問：「請問邊到可以租到單車踩去大美督啊？」我答：「嘩，而家唔興踩單車去架啦，人人都行路去，啱啱先有人問我點樣行去姐嘛！」女生Ａ：「係咩？好似幾好玩喎！咁請問你識唔識點樣行去大美督？」我（忍笑狀）：「你問Ｇｏｏｇｌｅ　Ｍａｐ啦！」女生Ｂ：「又係喎，好啦，唔該哂！」之後女生Ｃ、Ｄ、Ｅ就在我面前Ｓｅａｒｃｈ了一陣地圖，不久便離去……
 
　　我坐在隧道口，一路品嚐凍奶茶，一路觀望街道，發覺有好多美女走過，粗略目測起碼每分鐘有兩三個，最高峰是巴士落車時段，每分鐘有五六個吧，個個衣著新潮，坐一兩個小時即可了解當季至潮打扮，哈哈。
 
　　今日單就一張都開不了，但飲飲東西，看看美女，指指路程，這樣就一天，真是風流囉！最有趣的是，路人都以為我們「街霸」是「人肉地圖」，對該區地理位置相當熟悉，但實際上是不一定的哦！可能我外表太可靠了，嘿嘿！
 
【　維持一貫腳步
　　是天賜命途

　　我有權杖卻絆倒
　　遇窄路彎路
　　無限變數
　　似困醬缸裡尋寶
 
　　〈地圖〉　Ｋｏｌｏｒ　】
 
Facebook專頁: 大雞小事 ( https://www.facebook.com/bigchickenlittlethings )