=14px雖然身份上係彼此承認係男女朋友,但事實又係咪咁呢?我同阿靜到低係純粹嘅網戀,抑或係可以發展到現實呢……當然我唔認為我副尊容係有資格要人係現實中愛上我,但網戀又算唔算拍拖先?

=14px我曾經聽過一個網戀嘅故事:有個女仔又樣衰又港女,但係網上有個「拍拖」一年嘅男朋友。之後個男仔飛咗佢,佢就講到世界未日咁。

聽完呢個故仔,我有條問題好想問:「網戀到低係唔係拍拖……?」

網絡嘅出現已經令到我攪唔清拍拖嘅定義……曾經我認為只要互相確立彼此嘅身份,就係拍拖。但網戀嘅出現幾乎推翻我嘅定義……到我再試圖為拍拖建立一個新嘅定義:「拖手」,咁話明拍拖,梗係要拖架啦。點知有人可以同我講,上埋床都只係朋友……媽呀,我都想有幾個呢啲床上朋友呀……

係呢堆咁模糊嘅定義入面,我自己都冇辦法去解釋,到底我同阿靜係咪拍緊拖。之但係如果網戀係都算拍拖,咁我過去幾年應該拍咗不下數百次……



係我煩惱緊呢條問題嘅時候,阿靜傳咗句:「bb,好掛住你呀!」過嚟……

咁快就bb啦……我連係咪一齊緊都未肯定到喎……

阿強又無啦啦走出嚟話:「屌,你諗咁多做乜啫,你當同佢flirt住先囉,反正學你話齋,見到你個樣,唔報警告你性騷擾都已經萬幸啦!咪話我踢爆你啦,你諗咁多咪又係怕佢現實唔認數,溝完食唔到,死咸濕仔!」

屌,我成日都話:「古語有云,男人唔係為咗攪嘢,係冇一個男人會溝女!要神交就上“這個國家地理頻道”啦。溝女又哂錢又哂時間,所謂有女就大腦辛苦,冇女就細路辛苦呀。」當然你唔好問我邊個古人,呢個古人可能未出世。

其實唔止阿強,個個女人都成日話男人咸濕,個腦剩係識諗扑嘢,其實女人咪一樣,如果人類唔咸濕,絕咗種幾百世啦,你今日仲有可以出到聲話人咸濕啦喎!



「仆街啦你,扯到咁遠做乜鳩,我冇興趣聽你啲人類咸濕論,我只係話你,諗咁多都只係想食咗阿靜啫!」

嗱,我相信大家都好清楚我嘅為人,作為一個正人君子,我點會成個腦剩係諗住點食咗阿靜啫!

「嗱,係食與唔食之間係有好大嘅討論空間嘅,我會綜合各方面嘅意見之後再得出我想要嘅答案架啦!」

「咁你肯應阿靜未呢?」

屌,我做嘢洗你教咩,我都係想佢等耐啲,掛我多啲咋麻,點會唔記得應佢啫。



「我都係呀,老婆!」

「:$」

「……」跟住落嚟幾日,msn都充滿住冇內容但又好甜蜜嘅對話。

就係臨近中秋節嘅時候,阿靜問我:「不如一齊過中秋咯!」

我第一個反應係,屌,唔好咁啦,咁快將我由愛河中拉返上岸;第二個反應係,聽住先啦,到時又甩底架啦……我唔係唔想信佢,但試問俾人連放兩次飛機,點信啫。

「幾號呀?你唔洗同你啲fd過咩……」

「你嚟埋一齊過丫麻!」

屌……玩到咁大……



「你話哂俾你啲fd知啦……?」

「係呀,我呀媽都知啦!」

屌,痴撚線,on9架?呢下真係我當時第一下嘅反應……原諒我咁粗俗,我平時真係好斯文架!

「吓……你咁衝動?你見都未見過我喎……」

「我信你係個好人!」

屌……我講緊個樣呀……

「我聽日答你丫。」



阿靜玩到咁大,攪到我都唔知點好……

「喂,條女好似嚟真咁喎,點睇呀兄弟。」雖然百般唔願意,但都唯有問下阿強意見。

「挑,你又嚟啦,一日未見樣,一日咪當真呀,而家講到上天都得架啦,等佢(你)見到面之後,是但一個唔深潛失蹤去避難先算啦。」

阿強果然冇枉費我俾佢賤人嘅稱呼,講嘅每句嘢都夠哂賤,不過我鍾意,一矢中的。

呢晚,我夢見好多嗰日可能發生嘅情景:阿靜又甩底、見到我好似見鬼、佢夾埋啲fd玩到我死咁滯………………好多好多恐怖嘅可能性……我到底仲去唔去好……

《愛情最美好嘅時候,就係充滿期待同幻想嘅時候……》