一次無心嘅表白，竟然令到佢同咗我一齊: 第四十二章

沿途返屋企嗰陣，我哋雖然乜都冇講，不過我感受到阿靜隻手捉得我好緊，生怕一放手就再捉唔返咁。

其實我並冇同阿靜分手嘅念頭，但我知道呢啲事如果俾佢過咗我底線嘅話就會愈嚟愈踩界。可能你會話我佔有慾強，之但係你同嗰個人一齊都係想佔有佢架啫下話？你話咁少事唔介意？咁如果愈嚟愈過份呢？行街撓手、攬腰，做盡曖昧關係嘅嘢，你又接唔接受到呀？

如果你好大方咁話唔介意，咁對唔住，你當我思想守舊。如果有一日你另一半同身邊所有異性都咁做，然後返嚟就話佢只係愛你一個架，叫你信佢，然後繼續大條道理出去將身體獻俾啲厹豬乸，你唔好係到怨，佢愛你咪得囉。

愛情從來唔係一樣大方就可以贏嘅遊戲。你試諗下，你好大方咁讓愛，到頭來換嚟嘅係咩？只有旁人可憐你嘅零碎掌聲同一番你會找到更好的嘅廢話。勝利者永遠係佢身邊嘅另一半，因為佢可以得到一個你得唔到嘅人。分分鐘呢啲勸人大方嘅說話就嗰啲人諗出嚟呃人嘅添！「你唔大方讓愛，我點會得到佢呀！」

曾經chloe都問過我一個問題，如果佢肯同我一齊，但永遠唔會愛我，我接唔接受。呢啲咁哲學性嘅問題我唔識答，但同樣道理，如果佢愛我，但身體會背叛我嘅，我可以肯定咁答係絕對接受唔到，人類本性就係自私，尤其面對愛情，我諗冇人咁大方願意同任何人係任何方面同其他人分享自己嘅另一半掛？



係我ff到去外太空之際，阿強走出嚟同我講：「喂，你返返嚟地球先，先唔講你過份推理到吱兩吱就好似賣身咁，剩係講你同hailey發生嘅嘢就已經過之而無不及啦，你而家咪啫係五十步笑百步！」

呢層…挑，阿靜唔知就算架啦，咁男女有別架麻，從來女仔點都易蝕抵過男仔架啦係咪先！咁而家阿靜仲講到理直氣壯，包庇厹咁款，唔嬲就假啦…何況，我同hailey發生過啲咩啫，laughing哥教落：無呀！

「嗱，阿強我問你啦，如果有日我咁樣同mary互吱，你有冇嘢先？」

「你試下吖，你邊隻手吱佢我斬邊隻呀！」

「屌你咪係囉，你咪一樣，搶佔完道德高地最後身處其中咪又變返正常人！」



雖則阿強係仆街咗啲，但佢又啱架喎，我咪一樣幾乎食咗hailey同個賓妹…之不過咁，我錯啫，唔代表阿靜都要跟住我錯架麻，我唔識煮飯唔通唔可以話人煮飯難食咩，道德高地呢家嘢係人都企得架啦，你望下明肛社！

唔覺唔覺就返到阿靜屋企樓下，如果我一反常態冇good bye kiss嘅話實會攪到個關係愈嚟愈殭，但發住火咁錫佢我又做唔到…

突然，阿靜以迅雷不及掩耳嘅速度偷襲我嘅嘴唇成功：「唔好嬲啦…」

我冇出聲，反而將阿靜拉入我嘅懷中，緊緊咁將佢攬住，係鬆開前係佢耳邊話：「我唔要有下一次！」

今日唔阻止，真係難保他日唔會係攬腰撓手，呢啲嘢，防患於未然好。



「咁我哋真係朋………」阿靜未講完已經俾我凶狠嘅眼神呃到收咗聲。

「咁…聽日放學去邊呀…」由阿靜嘅聲線聽得出，佢好驚。

「聽日先算啦，早啲瞓啦。」雖然嬲阿靜，但我都冇掉低佢就走，而係目送佢入咗lift我先轉身離開。

其實成件事最錯都係隻厹，一隻厹有心抽水，稍為同阿嬌一樣又天又傻嘅女仔都防不勝防，所以最簡單直接嘅方法都係杜絕佢同所有異性來往，呢個係唯一嘅方法。

返到去我將阿靜呢件事同咗chloe同hailey講，而hailey就保持住佢對阿靜所有事嘅一貫作風，唔去表態。

至於chloe，佢一反常態咁幫阿靜：「妖，而家玩兩玩洗死咩，又唔係玩到上床。」

「咁我係咪要等到佢哋玩上床我先應該嬲呀？今日吱下係朋友、聽日搭下膊頭係朋友、後日撓手大後日攬腰，最後上埋床都可以係朋友架啦！」

「咁你而家係唔信阿靜家唔信自己？」



「你都痴撚線，我係唔信隻厹囉好冇！」

「咁只要你條女唔亂咁上佢到，你荒隻厹真係咁易食佢咩。」

「得，廢話少講，講到係朋友就乜都得咁吖麻，咁我哋上床啦，hailey唔差在一齊啦，朋友吖麻，3p好呀！」

點知hailey話：「夠啦阿恆，你癲夠未？你為咗隻厹失哂理智，值得咩？」

hailey講完突然全部人靜哂…我唔知佢係諗起同我嘅事吖，定係m到發作借機發爛，我只係知hailey的確好關心我…起碼佢冇同chloe一樣，仲落井下石……

《愛一個人無須裝作大方成全，因為你即使贏得全世界最後仍然失去了最愛……》