白雪和我: 提醒

提醒

一開門果下，一條八婆素顏 secure 企左係到，如果佢著住白色衫我會以為佢係白衣女鬼……

因為真係好撚樣衰……

「早晨，請問有d咩事？」

「麻煩你通知呢個單位ge業主，最近呢到附近有變態佬出沒，要小心。」



「唔該曬，早抖。」

「早抖。」

關門後，似乎吵醒左佢。

「樂仔，邊個黎ga？」

佢啱啱訓醒ge樣真係好得意，同婷婷一樣。



點解我又不經意咁諗起佢……

「條 secure 話最近有變態佬出沒叫我地小心d wor。」

「好。」

之後佢坐左係沙發。

「你唔訓？」



「醒左訓唔返，不如一齊打機la？」

「好，打咩？」

「飛機。」

「咩話？」我聽得唔係咁清楚。

「冇，乜都得，我幾鍾意NBA2k，以前成日玩。」

「我有，玩唔玩？」

「好！」

我用ge係1-3反勝ge騎士隊，而佢用ge係虐殺禁區ge快艇隊。



一開頭跳波輸左……

之後佢一野用三巨頭打左波7-0攻勢。

正當佢越打越high ge時候，我開始認真。

我用Irving ge花式運球 ankle break 左 Paul，再衝入去上籃，由於Griffin ge危險性極高，我拉'左下杆，打左個2+1。

之後一直用Lebron同 Love 強行上籃或暴扣，如果Korever Fyre Smith Irving 有空位即傳射三分，又或者Thompson有空就會比空接 slam dunk。

我咁樣打，直炒佢98比73。

「樂仔，勁！」



「仲使講ge？」

轉眼間，已經成一點，我都想訓。

「雪瑩，我想訓la，我訓沙發定？」

「我間房la。」

「哦。」

我去左刷牙，然後毫無懸念咁飛左上床訓。

我唔記得問佢訓邊就訓左tim……

我訓到第二朝ge早上六點。



「起身la契弟！」熟悉ge鬧鐘聲……

當我想起身ge時候，好似比d野扎住左超唔到……

雪瑩攬住我仲訓緊，好實……

最終我唯有用自己ge逃走秘技走左去煮早餐。

當我差唔多煮完，雪瑩起左身。

「嘩，咁香ge？」

「都ok la，等多陣就食得ga la，坐下先。」



大約五分鐘後，大功告成。

「好唔好食？」

「正到爆！」

「多謝……」

「你平時訓覺有咩習慣？」我接著問。

「要攬住一d野，點解咁問？」

「因為我發現你今朝攬到我好實。」

「對唔住ah……有冇整親你……」

「冇事……」仲好舒服tim，比你用腳夾住，對波都頂到我tim……

「唔好講咁多la，快d坐低一齊食早餐la。」

「好……」

我識左佢先得果兩日，點解咁熟ge……

「你係唔係林**叔叔個女？」

「係啊。」

「咁我冇估錯la，你係我一早識ge人。」

「下……你又知……」

「因為林**係我老豆朋友。」

「O……」

講下講下，已經食完早餐ge我地準備出門口。

我地行落去馬鞍山坐馬鐵去大圍再行上學校。

「喂，樂仔，雪瑩！」我地行緊上去ge途中，雨琴大叫。

「早晨各位。」

「點啊你去雪瑩屋企訓得舒唔舒服？」倩如問我。

「幾好啊，佢又肯同我玩PS4，我唔會覺得悶。」

「咁雪瑩呢？」琪琪問佢。

「都幾好啊，今朝佢早我好多起身，係因為要煮早餐比我，我好開心！」

「樂仔，你識煮飯？」佢地三個異口同聲……

「算係la！」

「嘩，雪瑩你正la，有口福la！」倩如話。

「下次你地上黎lor，不過我地唔好講住，唔想遲就行la。」雪瑩的解圍。

「Ok！」

我地差一分鐘就遲到，真係多得佢地拖時間……不過好開心，呢句係真心話。

「大家再見！」

我係四樓道左個別，就入返去班房，冇人ge？

Shit，早會……

我又衝返去三樓，趕得切……

不過企左係後面，遲到者要企後面。

聽在長二十分鐘ge 9 up，我差d練成企係到都訓得到ge武功，真係好悶……

過左好耐，終於返到班房……