陸行貓的毒撚溝女日記: 偽裝

我曾經係網上做過一次人妖。
自此之後，我每個online game正身都開男角，有人誤會果陣都會澄清下。

我有玩港台服既SD高達online。
技術極其有限，不過虛擬財產都有D積累。
重點係我走左上百度貼吧識人玩，因為寧願上大陸網都唔想上樂古同陽光玩遊戲。

有條友話我講野似女仔，於是我順藤摸瓜，轉職左做人妖。
用阿魚既身份。　




果陣我係人地Facebook 偷相。


係毒撚呢方面，大陸同香港無乜分別。
一樣係見女就狗衝，一樣係唔識handle 女性關係。
可能阿魚D相都真係幾靚，有多於一個人向偽裝既我示意，想拎錢撻我既人都有。

當然全部拒絕左，人妖係網上做就算啦，唔好做呃人錢呃人感情既人妖。
不過我都已經算企係懸崖邊。


果陣紅登613事件仲未發生，但我係613之前已經有睇過教皇既post。

做人妖玩人，對我黎講唔係咁有趣。

果個group 毒撚佔左多數。少數幾個唔係毒撚既人都無點懷疑。


坦白講句，我其實唔想以女仔身份拎著數。我明確拒絕一切饙贈，有野欠人都會還返。 




問題係我估唔到居然有個人癡心到特登搵到阿魚本人既Facebook。
當時我同阿魚本來好地地傾緊偈，忽然佢貼左張FB對話圖，話做咩有個人無啦啦聊佢講野。
我馬上話，block左佢啦，妳亂咁add埋D大陸人架。

阿魚覺得可疑，就無聽我講，繼續了解真相。
佢好快就知道我盜用左佢D相同個人資料。
好快佢就打電話黎，喊住話點解我要咁做。
佢問，你明明一開始就知成件事，點解要呃我叫我block左佢。
如果我block左，你係咪仲係會呃住我，一直隱瞞落去。

當時真係有種預感覺得會成段感情無左。
但其實阿魚既胸襟從來唔會好似我咁狹窄。人地有B。
果日由凌晨一點幾鐘傾到六點，佢就咁原諒左我。
原因係，我都明玩online game用女仔身份係吃香D既，今次放過你。



不過直到今日，激嬲佢果陣佢仍然會話，不如我送你過去大陸同果條仔搞基。