【小喬初嫁了】初戀女友結婚前的一場鴻門宴: 第十八章

「妳中六嗰年嘅聖誕節，地點係......如果小心啲答，其實係無地點，不過我地相遇嘅地方係尖沙咀鐘樓。」我滿有信心地回答。 


「哈哈，算你啦，我以為你會唔記得添。」她笑逐顏開。 


「都話我記性係好好，係妳唔信。」我說。 


「我哋會唔會講得太多自己野，悶親Melissa？」她目光投向Melissa。 





「唔會呀。」在一旁已經默默地把晚餐吃完的Melissa搖搖頭回答。 


「不如講下你哋。」她問道。 


這時，她的電話忽然響起。 




「Sorry.等我一陣。」她側身傾著電話。 


趁著這個時間，我對身邊的『女朋友』說：「Melissa，今日辛苦妳啦。到哩度就可以，阿明會出返足人工畀妳。」 


她有點錯愕，問道：「但你哋未......」 




「哩度就可以啦，今日表現好好，多謝妳。」

「喔......好呀。」Melissa點點頭後就離開。 



當她傾畢電話，轉身回來後就問：「咦Melissa佢去廁所呀？」 



「唔係呀，佢走啦。」 





「走？點解呀？」 



「啱啱個電話做咩？」我沒有理會她。 



「Terry話佢要返公司，有啲急事做，叫我哋繼續食。」 



「原來係咁。」 





「咁你做咩唔送佢走呀？」 



「咁妳仲想唔想繼續食？」 


「喂孫畢渝，你都未答我！」

「答妳咩呀？」 


「你女朋友走喎，你做咩唔送佢返屋......」 




「因為佢根本都唔係我女朋友。」我搶先說。 


她聽畢後一副難以置信的表情。 


「咁......咁佢係你邊個？」 


「PTGF。」 


「點解你永遠都係咁。」 




此話一出，把氣氛都凝住了。 


餐廳四周圍的人，似乎也察覺到我們的神色不對，偷偷觀望我們。 


「唔係妳諗咁.....」 


「咁係點？」 


我想解釋時，又把話吞進肚裡。 


實在無辦法把一切道出。 


難道要說我覺得今天是鴻門宴所以找一個女朋友來？ 


「阿鹿。」 


「......嗯？」 


她凝望著杯中的水說：「記唔記得我哋第一次嗌交係為咗咩事？」 


「記得，我記性好好。」