「喂?」電話好快就接通。

「呀媽。」我説。

冇錯,我就係要打俾呀媽,即使我好撚憎佢。

「Chris?」呀媽確認我嘅身份。

「唔好叫我Chris,叫返我呀雪。」我糾正。



「無端端做乜打電話俾我?」呀媽問。

「幫我做一樣野。」我説。

「你知代價㗎啦。」呀媽説。

「你都仲係一如既往咁貪錢。冇問題。」我説。

「咁你講啦。」呀媽説。



「幫我買陳桂方公司51%嘅股份。」我説。

「陳桂方?我記得啦,賣電腦嗰條友。佢同你有仇咩?」呀媽問。

「你理得我。」我説。

「買起佢間公司就唔得,我同佢有啲交情。」呀媽説。

「認真同佢有仇。」我説。



「每次要我幫手嘅野都咁煩,加多5%我就幫你。不過買佢股份就絕對唔得。」呀媽説。

「成交!而家即刻做。」講完之後我就收綫。

「點呀?你打俾邊個呀?你打俾邊個我都唔會俾曉琳你㗎啦。」方爺囂張地説。

我悠閑地坐喺梳化上面,問工人攞咗杯紅茶。

紅茶好快就送上,方爺不屑地望住我。

杯紅茶飲到一半嗰陣,方爺部手機響咗。

方爺見到來電號碼,神色即刻變得凝重。

「喂?」方爺接聽。



打電話俾方爺嘅人唔知講咗啲咩,方爺額頭即刻冒起咗幾條青筯。

掛線之後,方爺望住我,大吼:「林浩雪!你究竟做咗啲乜野?」

我將杯入面嘅紅茶飲哂,説:「方爺,我地跟住討論下,你要以乜野條件,嚟換取返同林氏嘅合作關係。」

方爺額頭冒出幾滴冷汗,説:「你......你究竟係邊個?」

「我咪係林浩雪囉。」我笑説。

「你!」方爺説。

「你咩你呀,而家我地講緊條件呀!」我以牙還牙。



「你想要咩?」方爺問。

「五百萬,外加以後唔再干涉曉琳所做嘅決定。」我説。

「五百萬?冇可能!」方爺説。

「咁算,我走先啦。」我説。

「等陣!我俾!」方爺咬着牙答應。

「咁就好啦,而家即刻放咗曉琳,五百萬遲啲轉帳俾林氏。」我説。

「係嘅係嘅。」方爺已經冇咗一開始嘅鋭氣。

方爺攞住一大串鎖匙行咗上樓梯,五分鐘之後,着住睡衣嘅曉琳低頭行咗落嚟。



係遠處可以見到曉琳臉上有少少淚光。

曉琳抬高頭,望到我坐喺梳化到,淚水不受控制咁流落嚟,跑過嚟攬住我。

「嗚......呀雪,我好驚呀......」曉琳抽泣。

我輕撫曉琳個頭,温柔地説:「冇事啦,一切都已經解決啦。」

曉琳就維持住呢個姿勢繼續喊,直到佢一粒聲都唔出。

「曉琳?」我輕喚曉琳個名。

曉琳冇應我,原來佢已經瞓着咗。



我抱住佢,問方爺:「曉琳間房喺邊?」

「樓上向左數第二間。」方爺答。

我抱住佢入到佢間房,佢間房牆身以粉紅色為主,應該話佢所有野都係粉紅色。

粉紅色嘅牆,粉紅色嘅床,粉紅色嘅書枱......

我將佢放喺床上面,然後除哂佢啲衫。

Don't ff too much.

我將佢放喺床上面,幫佢蓋好張被。

我刪返到門,行返落樓下,方爺一面懊悔咁坐喺梳化。

「希望你可以遵守個係件。」我冷冷地説。

講完之後,我就返咗屋企。

「返嚟啦?」雪彤問。

「嗯。」我説。

「希晨同你講咗啲咩呀?你同佢一傾完計就出咗去。」雪彤説。

「冇咩呀,處理一啲小事啫。岳希晨呢?」我説。

「佢啱啱走咗啦。快啲沖凉啦,等你開飯呀。」雪彤説。

「係......」我説。
------------------
跑步先嚟落雨,唔通連個天都唔鐘意我?
三月至四月有個法制先鋒問答比賽,
獎金獎品令我有少少心動,
但係勝率低到爆炸(´Д⊂ヽ
又有喇沙又有沙官中
喊出嚟(´Д⊂ヽ