雪彤嘅婚禮之後,我試過走遍世界各地去揾曉琳,但都係無功而還。

我揾到過好多「陳曉琳」,但都唔係我要揾嘅佢。

每次都有希望,但最後都係得返失望。

得返最後呢間啦……

宜家係夜晚,落緊雪。



雪同月互相映襯,就好似當初嘅我地。

我搓住手行入去。

以下內容將會自動翻譯做廣東話。

「唔該我想問呢度有冇一個叫做陳曉琳嘅病人呀?」我問。

「你等我一陣,我查下先。」護士說。



等咗幾秒,佢就有結果。

「佢喺單人房1023號。」護士說。

「唔該哂。」我道謝。

之後我就上咗去。

每離「陳曉琳」嘅病房近一步,我嘅心跳就加快跳動一下。



我輕輕扭動門把。

喺病房入面嘅「陳曉琳」呆望住我。

「雪雪……你點揾到嚟㗎……」曉琳虛弱地說。

我終於……終於揾到你啦。

淚水各自喺我地嘅眼眶流出。

「我揾咗你六年啦……」我咽哽地說。

之後我衝咗上去,緊緊地抱住曉琳。

「我真係揾到你啦……」我說。



「雪雪……」曉琳雙眼通紅。

「你個病……宜家點呀……」我關心地問。

「醫生話我已經唔係得返好耐命啦。」曉琳苦笑。

「點會咁㗎……」我說。

到頭來,曉琳都係博唔中嗰1%嘅機會。

「真係冇第二個辦法啦?」我問。

「冇啦,不過我已經無憾啦,喺我臨死前……仲可以見到你。」曉琳說。



「傻女……」我說。

「我先唔傻呀!」曉琳說。

之後每一日,我都同曉琳講呢十年嚟發生過嘅事。

曉琳話最可惜嘅就係出席唔到雪彤嘅婚禮。

「雪彤著婚紗個樣……一定好靚好靚……」曉琳說。

「係呀。」我說。

「今日探病時間完咗啦,你聽日再嚟啦。」護士入嚟說。

「咁我走啦。」我說。



「嗯。」曉琳說。

我輕吻曉琳嘅嘴唇,之後就轉身返酒店。

兩個禮拜後嘅凌晨,我俾電話嘅鈴聲嘈醒咗。

宜家嘅我,對電話鈴聲好敏感。

我好驚一聽電話,就得到一個令我心碎嘅事實。

但係當我望到個電話號碼嗰陣,就知道要嚟嘅始終要嚟。

個電話,係醫院打嚟嘅。



我對手震哂,好勉強先攞得起部電話。

「喂?」我連把聲都震埋。

「請問係咪陳曉琳嘅家屬?」電話入面嘅人問。

「我係……」我說。

「陳曉琳就快唔得啦,你快啲嚟醫院見佢最後一面啦。」電話入面嘅人說。

我即刻換好衫然後跑過去醫院。

一定……一定要趕得到呀!

街上面僅剩嘅人都喺到望住我。

或者……係因為以前我次次都趕得到冇遲到。

今次,命運要我趕唔到。

我去到嘅時候,曉琳已經頂唔住啦。

我跪坐喺手術室前。

今次我冇喊到。

可能係因為我已經有心理準備,所以冇眼淚。

又可能係因為當一個人悲傷到一個地步嘅時候,就流唔出眼淚。

醫生見到之後,行過嚟安慰我。

「曉琳喺死之前,有冇講過啲咩呀?」我問。

「佢有呀。」醫生說。

「佢講咗咩呀?」我問。

「你自己聽啦。」佢遞咗枝錄音筆俾我。

入面有嘅,係曉琳用最虛弱嘅聲線講嘅野。

「喺我最後嘅時光……慶幸當初……有你……」

我企返起身。

「醫生,呢枝錄音筆……可唔可以送俾我?」我問。

「可以,反正我地咁有緣。」醫生說。

「有緣?你指嘅係……」我疑惑地說。

「仲記唔記得我呀?」醫生說。

之後佢除咗口罩同帽。

佢係……灰髮外國人……

「好耐冇見啦。」我說。

「係呀,估唔到今次見面,係因為咁慘嘅原因。」灰髮外國人說。

我苦笑。

「對唔住,救唔到你女朋友。」灰髮外國人自責地說。

「唔緊要啦,發生呢啲事,你都唔想嘅。」我說

「你之後……有咩打算?」佢問。

「我會返香港,全心全意打理好呀爸間公司。」我說。

「咁……祝你好運啦。」佢說。

同方野吉一樣嘅說話。

「有緣再見。」我說。

「有緣再見。」佢說。

之後我就買機票返去香港。

我冇同雪彤或者方野吉講呢件事,我唔想佢地傷心多次。

有啲野……我一個人承受就得啦。

之後嘅人生,我就一直醉心於工作上。

用工作嚟麻醉自己,可能就係最好嘅辦法。

或者第二個平行世界入面,曉琳冇死到,我可以同曉琳一齊幸福快樂咁生活落去。

真係羡慕你呀……另一個世界嘅我。
-------------------------------
有人話想睇sad end,咁就試下寫啦。
雖然我覺得唔係幾sad。