[有沙入眼]是咁的，我覺得我住嗰度有啲唔妥: 152錢嘅重要性
阿婆喺阿公走咗之後，就開源節流，削減屋企嘅開支，出去打工搵錢養我同細妹。
我仲記得佢話：「好彩愈嚟愈少人肯做洗碗，如果唔係就真係要去執紙皮喇。」
阿婆依啲舉動，令「錢」嘅概念喺我心中萌芽。
明明最初係為咗想幫阿婆而想要錢，去到後來，不知不覺間，錢竟然變得比阿婆更重要。我無辦法否認，因為事實上我係選擇咗去北京，而無陪喺佢身邊。
或者係隨住成長，現實會強逼你去承認錢嘅重要性。
當踏入「搵錢」領域嘅時間愈長，人就會愈容易忘記真正重要嘅野。