[有沙入眼]是咁的，我覺得我住嗰度有啲唔妥: 195無捉住
我仲未嚟得切反應，大量水泡喺海底湧出，一股水流將我同月曦分開，鎖匙留咗喺月曦因條件反射而收緊嘅手心度。
「捉住我！」我向月曦伸出手。
水泡喺我地之間構成一道阻礙視線嘅薄璧，我同佢分別被水流向海面狂推。
身體喺海底急速上升，掩蓋視線嘅水泡之中有各式各樣嘅片段流轉。水泡經由眼耳口鼻湧入身體，而記憶亦流遍全身。
可惜嘅係水泡入面滿載太多其他人嘅記憶，我一時之間無辦法從中搵到屬於自己嘅回憶。
一大堆映象以三倍速喺我面前播放，數以億計嘅片段展現出每個玩家所經歷過嘅喜怒哀樂。佢地嘅夢想同遺憾，歡笑同淚水都一一被我嘅腦海記錄落嚟。
「阿哥你寫緊咩？」
「我寫緊遊戲劇本呀！你都幫手吖！」搵到！係依段記憶喇！
擘大眼，我發現自己訓翻喺屋企嘅床入面。全身都無沾染一滴水，啱啱喺海底嘅感覺恍如隔世，而映象亦停止播放，就好似發咗場不停睇電影嘅夢咁。
月曦唔喺我身邊⋯⋯直到最後，佢都無捉住我伸出去嘅手。
係，我好憎你。