[有沙入眼]是咁的，我覺得我住嗰度有啲唔妥: 196我嘅夢想
只要諗翻佢斬釘截鐵嘅表情同鄙視嘅語氣，心臟就會隨住跳動而滲血。雖然已經畀攪拌機鑽成撕裂嘅組織，但仲識得痛。
以前嘅遺憾係我無伸出手去挽留。
而家嘅無奈係當我學識伸出手嘅時候，已經太遲。
「你好999報案中心！」
沙沙沙——
電視機開著，貞子再次現身。
啱啱湧入腦中嘅映像，令我重新認知事實。
我已經唔再驚，一切都唔再恐怖。
「已經夠喇。」我訓喺床上，靜靜面對電子產品發出嘅噪音、喺露台滲入嚟嘅血水、電視機中爬緊出嚟嘅怨靈。
「你地⋯⋯全部都係我嘅夢。」
唔係夢境。
係我嘅夢想。