我屌你老母！你做乜撞鳩我？: ＃1【屌老母】

「喂！跟住呢跟住呢？無啦？」森仔好激動咁講。
 
「無啦！唔係你仲想點？」我嬲嬲地咁講。
 
「唔係呢治仔，老實講，你喊嗰一野真係好拎好笑，哈哈哈！」佢既笑聲停唔到。
 
算！我都慣架啦，呢班仆街成日都笑鳩我架啦，笑我鵪鶉咁呀嘛。
 
「好心你咪咁啦！人地俾人拍片擺上Youtube已經好慘架啦。」呀亮幫我出頭，但佢幫我出頭似係踩多我兩腳咁。
 


森仔笑得仲大聲，「哈哈哈，真係好撚柒！點解可以咁柒？」
 
我緊握雙拳，好想打爆呢班柒頭皮！！！
 
呀亮見勢頭唔對路，連忙講：「咪講啦，再講佢嬲啦！」
 
森仔扮曬正經咁行過黎搭住我膊頭，「如果沙皮係度呀，串得你仲甘呀！」
 
佢講得又幾有道理，沙皮份人都幾嬲打下，佢係度既話，就算我嬲都阻唔到佢。因為佢會嬲埋一份，唔好惹架佢。
 


「係呢？你做乜野無啦啦去SOGO既？」呀亮突破盲點。
 
我死都唔會話去SOGO睇高達模型，一陣又會俾佢地串我毒到出汁架啦。
 
「無野呀，買野姐。」我hea道。
 
「買咩呀？」森仔打蛇隨棍上。
 
「關你咩事姐！」一句撻埋去，等佢無聲出。「係呢，沙皮呢？」
 


「睇佢個死款咪又係瞓過龍唔黎返學，黎！我地去食餐好，Happy下，唔好唔開心！」都係呀亮識得安慰人。
 
「咪係！」森仔係側邊附和道，算佢有返啲人性。
 
我地依家係lunch time時間，不嬲我地幾個都會出去食飯既，今日亦都唔例外。
 
我地相安無事咁行出課室，行行下，「唔得，諗起真係覺得好好笑，撞到人地個波係咩感覺呀？正唔正呀？有無扯旗呀哈哈？」
 
森仔突然爆笑，捂住個肚，係咁揮手。
 
森仔笑住咁彈一彈我條J，「喂！痛呀！」我喝停佢。
 
「又真係無扯旗喎，勁呀。」做左個讚好既手勢。
 
佢見我無反應，嬲爆爆咁既樣，就自動收皮。


 
「乖，一陣幫你含返佢囉。」佢既厚面皮都幾世界級。
 
「痴撚線。」我回敬佢一句粗口。
 
已經夠曬黑仔，頭頭碰著黑，仲要俾人咁樣串法，唔嬲就假。
 
我低頭安撫下我既子孫根，無留意轉角位迎來一場風暴……
 
我稱之為──「乳散革命」
 
砰！
 
「哇……又邊鬼個撞我呀！」我聽到一陣驚呼。
 


我額頭傳陣陣既劇痛，呢下撞得都幾重手下。我摸住自己個額頭，睇下撞親邊個。心諗：做乜呢排成日撞到人呀……？
 
細看之下，睇黎我撞親個靚女喎，整體黎講幾唔錯。
 
「Sorry呀，我唔小心…」我講都未講完，就已經俾人串。
 
「咩唔小心呀，你會唔會殺完人同人講唔小心呀？」
 
等陣！咁熟既呢句？個語氣都好熟，係邊度聽過呢？一時醒唔起。
 
但畢竟係我撞到人，我理虧既，仲要當住班兄弟面前，點都要有返啲風度。
 
「 Sorry呀，你無事呀嘛？」我有禮貌咁講。
 
「Sorry大曬呀？你問黎都係廢話！你係咪想人答你無事呀白痴？撞到人點會無事呀！用下你個腦啦……再唔用生銹啦！扮曬野咁！」佢咄咄逼人，佢仲摸緊自己額頭。


 
摸一摸，然後係條校服裙入面拎左塊境出黎，照下自己有無事先。
 
係我隔黎既呀亮同埋森仔全程見住曬，忍唔住係度偷笑。呢兩條花生友…
 
側邊行過既人都開始注意到我地，呢個畫面似層相識…
 
佢地聽到呢句之後笑住咁行過黎食花生。
 
『哇有好戲睇呀！』
『食花生先……』
『毒撚大戰C班霸王花呀！』
『有無花生呀！拎定出黎啦喂！』
 
「唔係……咁我除左邊Sorry都唔知點做好…」我喃喃地道。


 
「好彩無毀容姐…咩事都無咩事都無。」佢對住塊鏡講得起勁。
 
「咩呀？你頭先講咩？」佢抬起頭望一望我。唔望仲好，一望就仆街啦。
 
「原來又係你！上次係SOGO撞完個波，依家又黎撞我額頭？」佢越鬧越大聲，越鬧越興奮。