戴上頂黑色Cap帽~

拎埋副太陽眼鏡~

我都拎一拎把細細把既黑色縮骨遮~

拎齊晒所有野~

就同豪仔落到黎樓下~





我成個人都好興奮~

總係覺得好好玩~

好好玩?有乜咁好玩?

做毒男既軍師去溝女神喎~仲唔夠晒好玩丫?

至於今日既天氣...其實都幾好~





陽光普照咁~清風徐徐咁~

會唔會真係落雨架?

天文台有無呃我架?

唔...唔知啦~

呢幾年D天氣都變幻無常~





唔好話一個禮拜,就連一日都可以有齊晒春夏秋冬~

所以而家勁好天,夜D會狂風暴雨都唔出奇~

我就同豪仔喺藍天白雲風和日麗勁爽既天氣下,肩並肩咁行下行下~

其實我同豪仔拍住黎行個感覺都...都幾奇怪~

有乜咁奇怪?

唔...拍住豪仔身邊一齊行...佢都高我成個頭...

我今日都已經著住對Adidas...都叫已經高左少少...如果著對Cos既話咪仲誇張?

我唔係話唔習慣同高過自己既男仔一齊行...





我仲好鍾意D高過我成個頭既男仔添~

之不過...細過自己既...就總係怪怪地咁...

仲要係細過自己成九年既小朋友...高過自己成個頭...

唔...

雖然話唔講出黎都無人知我大佢咁多…分分鐘仲會有人誤以為我細佢幾個月...但呢D野...自己知架嘛…總係好似怪怪地咁...

唉~鬼叫自己生得細粒咩~

我行下行下就蹬起對腳仔,箍一箍住豪仔條頸:『你丫~一陣間見到Kawaii既時候丫~首先一定要讚下佢靚先~』





你睇下生得細粒幾咁唔方便~

淨係想好似攬住細佬條頸都要蹬到對腳直一直咁~失晒平衡咁~成對小饅頭都壓晒落豪仔隻手臂道~

「哦哦...」豪仔面紅紅咁點點頭~

『仲有丫~問下佢餓唔餓~呢個鐘數佢九成未食野架喇~就帶佢食左野先~』我再用一用力箍一箍實豪仔條頸~壓一壓個身埋去佢道~

因為我真係失晒平衡~

好彩既係...我都唔係幾重姐~

我就一路箍實豪仔條頸,一路壓晒成個身埋去佢道咁行下行下~

「食…食...咁如果佢話唔餓呢?」豪仔塊面越黎越紅咁~





『唔餓都要帶佢去食野~』你估女仔話唔餓就真係唔餓架咩?

佢係想睇下你醒唔醒目~

睇下你猜唔猜得透佢個心裏諗緊乜~真正既答案係乜~

你就醒目D~識做D~好好咁諗下個女仔想點啦~

不過好多時都係個女仔食又得~唔食又得~就等你幫佢做個決定架姐~

你就做個大方D既決定就包無衰架喇~

「哦哦...」豪仔塊面越黎越紅~越黎越紅咁點點頭~





『咁你打算帶佢去食乜呢?』我箍住豪仔條頸~貼塊面埋去問一問~

「M…M仔...」豪仔眼甘甘咁望住我對眼~

『M你個頭咩?!死人都唔好帶佢去食M仔丫!』我皺一皺眉咁打量住豪仔!

嗰D乜春《一生只想尋找一個肯挨麥記的女人》真係害死唔少人!

試問喺呢個香港有幾多女仔真係鍾意食老麥?

唔係月中使晒份糧月尾仲有卡數要找無錢開飯都唔想去食D咁唔健康既野啦~

你唔係話你女朋友鍾意食M仔丫?佢呃你架咋~

話唔定你女朋友背住你同D富二代餐餐食鮑魚食到厭,同你一齊咪話食M仔囉~

「咁...咁應該帶佢食乜先岩?」豪仔面紅紅又口震震咁望實我黎問~

『帶佢食魚生啦~』港女最鍾意食乜丫?除左洋腸之外,咪就係你地口中嗰D生勾勾戇鳩鳩既魚生囉~

「哦...咁...咁我帶佢去食爭鮮...」豪仔又面紅紅口震震咁望實我黎答~

『唔...一壽司會唔會好D丫?』我情深深咁望實豪仔~

呢個豪仔真係~要同女神食野,就梗係唔好食得咁Cheap先得架~

爭鮮算係D乜?最起碼都要食一壽司啦~

咁先叫做有返D誠意架嘛~

「哦...哦...」豪仔塊面超級紅咁點點頭~

唉~真係~情場初哥真係乜都唔識~

就好似嗰時既皓傑咁~

皓傑...

岩岩開始同皓傑拍拖既時候...我記得佢都係帶我去食M仔...

我就梗係扮晒無所謂咁啦~

食左一兩次之後,我扮晒唔受得M仔,扮晒肚仔痛咁,佢就一直都無再帶過我去食M仔~

「你仲有無痛丫?都係我唔好!我唔知你唔食得M仔!對唔住丫...對唔住丫...」嗰時皓傑仲好擔心咁~好緊張咁~又好內疚咁~

我就覺得好好笑~

好笑既係...雖然話皓傑乜都唔識~但佢肯去關心我~肯去了解我~肯去記住我鍾意D乜~唔鍾意D乜~

「到...到喇...」豪仔既聲線將我就黎要跌入過去既回憶之中既意識抽返上黎...

『下...下?』我望住滿面通紅咁望實我既豪仔...

「前面…前面就係...Kawaii屋企樓下...」豪仔指一指住對面...對面馬路...

『哦...哦~』我鬆一鬆返開箍住豪仔條頸嗰隻手,『咁你...過去等佢啦...等佢落黎啦~』

「哦...哦...」豪仔又面紅紅咁望實我點點頭...

『要記得我講過D咩喎~』我再提點一下豪仔~

豪仔諗左一諗,點一點頭:「嗯...」

『嗯~我會喺你背後旁住你架喇~留意隻錶啦~』我指一指自己手腕~

「嗯嗯...」豪仔望一望自己手腕,指一指手腕上隻Apple Watch~

『嗯~加油~』

「嗯!」

望住豪仔轉一轉身...

望住豪仔既背影...橫過馬路...去到Kawaii既屋企樓下...

我戴一戴返副太陽眼鏡...行去一個陰暗處...企喺道望住企喺遠處既豪仔...企喺道...等...

唔...唔知要等...幾耐呢?

望住企喺遠處既豪仔企喺道等~

好似有D緊張咁~

好似又有D心急咁~

係心急到緊張?定係緊張到心急?

唔知呢~

呢點應該就連佢自己都唔知~

究竟等一個人既感覺係點架呢?

就只有好心急?好緊張?

好心急咁等佢快D黎~

好緊張唔知等到佢黎既時候會點~

又要等幾耐呢?

仲要等幾耐呢?

我記得以前皓傑約我出街,每次我都話一個鐘就落到樓~

但每次都要皓傑等多我十五分鐘我先會落樓~

唔係話我唔想一個人傻下傻下咁企喺條街道等~

而係我想佢可以諗住我多D~掛住我多D~

等一個人既時候,會諗起佢...會掛住佢...都好正常~

每次我遲落黎都會同皓傑講返聲:『Sor丫~我換衫換耐左~』

而皓傑每次都會笑笑口擰擰頭咁講句:「唔緊要~我都唔係等左好耐咋嘛~」

但其實,我係知道你每次都早到十五分鐘...

即係...你企喺道等我...都已經等左半個鐘...

半個鐘...其實都已經好耐下...

而我最記得皓傑講過一句說話係:「最緊要係等得到~」

等得到?

會有可能等唔到架咩?

等唔到...唔係所有野都等得到...

或者真係...

有個期限俾你等到已經叫好好...

有D野俾你等一世都未必等得到...

估唔到...我喺而家呢一刻突然諗得到...

好似突然間靈光一閃咁明白到皓傑所講既“最緊要係等得到”係乜野意思!

原來皓傑講既野...都真係幾有意思...

「靚女~企喺道等緊乜丫?等緊我丫?」突然有把聲喺我身邊出現...將我由思考中抽返出黎...

我回一回神...望一望身邊...

身邊正正就有三個...同豪仔咁上下年紀既...MK仔望住我笑笑口...

仲要笑到勁樣衰咁...

『好明顯就唔係啦~你地三個都咁樣衰~我係等你地既話,咁同等死有乜分別丫~』我冷冷一笑~

「嘩…而家D女咁臭串既...」

「企喺道唔係等仔撩等咩丫~」

「人地可能等緊揸法拉利既叫佢上車呢~」

三條MK仔就一邊口噏噏,一邊行左去...

好心而家D死MK就長進D啦~

唔好話法拉利丫~無車就真係唔好白撞啦~

唔好話好似我呢D年紀丫,就算係D𡃁妹丫,而家都好識諗啦~

唔通仲會俾你地呢D一事無成鳩Fing Fing既死MK呃蝦條咩?

係呃都俾D有錢仔呃啦~

係唔係都係瞓落床~係唔係都係俾個男人壓住喺床上狂抽猛插~我俾個有錢仔中出唔好?

俾個有錢仔中出完都可以拎D錢使下丫~

一個好彩D有埋就嫁入豪門~

俾你地呢D MK中出完有D乜?

有左叫你俾錢落你都立即閃人玩失蹤啦!

呢D咪就係中出即飛既死仆街囉!

所以話MK仔收皮啦~~~

我都係唔好理咁多,留意返企喺遠處仲好心急咁等緊既豪仔先~

豪仔都企到個人直一直咁~真係十足十一隻城牆下既士兵咁~等緊公主咁~

我拎部電話出黎睇一睇...

『唔...差唔多十五分鐘喇喎...』與約定時間已經過左十五分鐘...

究竟仲要等幾耐呢?

究竟Kawaii要豪仔等多幾耐呢?

對女神黎講...要隻兵等十五分鐘算係一個標準...

仲可以話係一個...有將你放喺心裏面既時間...

因為女神又唔捨得要你等咁耐...要你等咁耐自己都會心痛...

又因為自己都有D掛住你...但又唔可以咁唔知羞咁仆住落黎見你...

所以十五分鐘...係一個最有利既時間...

而過左十五分鐘既話...評估女神對隻兵既好感度亦都相對向下調整…

即係如果女神比約定時間遲左廿分鐘...女神對隻兵既好感度大約都有90%...

如果女神比約定時間遲左廿五分鐘...女神對隻兵既好感度大約都有80%...

如果女神比約定時間遲左三十分鐘...女神對隻兵既好感度大約都有50%...

如果女神突然話有事黎唔到既話...你都係死左條心去算罷啦~

因為女神根本就無將你放喺心裏~

可能只係想搵你攝時間~諗下諗下又唔想同你隻二等兵出街~咁岩男神約去啪啪啪啪啪啪啪啪啪所以放你大飛機~

係丫~就係咁架喇~

所以有時你唔好話死左都唔知咩事丫~

其實喺呢D放飛機~唔得閒應你機~雙灰剔左你好多次就已經話左俾你知你喺女神心中一D位置都無~

分分鐘樓下個看更阿伯仲重要過你~

所以呢~做兵唔係話唔好~但都要醒目~

知道女神唔重視你~又無晉升機會,咪盡早離隊囉~

唔好諗住總有一日會等得到~有D真係等一世都未必等得到~

尤其係女神~

真係等到最後連牛肺都無你份~你就真係白白浪費光陰~

我就再留意住豪仔...留意住有無女仔走近佢...

唔使幾耐...真係有個女仔由大門行左出黎...行到去豪仔背後...拍一拍豪仔膊頭!

出現喇出現喇!豪仔既女神終於出現喇!

我望一望部電話...

『十六七分鐘...』比約定時間都係遲左十六七分鐘...

咁睇黎呢個Kawaii對豪仔都算唔錯啦~

就算講唔上鍾意,至少都有D好感既~

我再望清楚呢個企喺豪仔面前...矮豪仔成個頭既Kawaii...

Kawaii上身著住件白色Tee...下身著住條黑色短裙仔...再著對白色布鞋仔...

真係好有偽韓妺Feel...

不過拍埋喺豪仔身邊既話...佢地都幾襯丫~

都係因為我幫豪仔襯衫襯得好姐~

望住Kawaii對住豪仔沙晒冧咁~又睇住豪仔笑笑口~摸摸頭~擰下擰下頭咁~就應該係Kawaii話自己遲到唔好意思~豪仔就話唔緊要咁上下啦~

佢兩個笑下笑下咁傾下傾下~Kawaii就摸一摸自己個肚仔~

睇黎Kawaii應該係話有D肚仔餓喎~

然後佢地就開始行喇!

行喇行喇!等我近住佢地先~

我就鬼鬼祟祟咁跟住佢地~隔住條馬路咁跟住佢地~

豪仔正正經經咁行~Kawaii又斯斯文文咁行~

之不過佢地兩個人之間就隔左一大個空位~

真係放多個人落去都仲得~

搞乜鬼丫?

分得咁開?

唔講仲以為你地兩個係互不相識既路人~

唔使問一定係豪仔怕羞啦~

豪仔對住我都怕怕羞羞咁~對住女神就更加唔使講啦~

男仔咁怕羞點得架?

女仔係要男仔做主動架嘛~

你咁怕羞既話,又點可以拉近大家既距離呢?

我拎一拎起部電話~Send一Send句“行埋D”。

我再望一望返佢地,望到豪仔睇一睇隻錶...諗左一諗...怕怕羞羞咁行近左Kawaii少少...

呢少少真係得嗰少少...中間既距離都仲係可以放多個人...

哎呀~大膽D得唔得架?!

我就再Send多句“再行埋D!”。

我再望一望返佢地,望到豪仔又睇一睇隻錶...又諗左一諗...又怕怕羞羞咁行近左Kawaii少少...

豪仔呢一下少少直頭好似無行近到咁...

哎呀!行近D都唔敢...咁樣好難再有下一步架喎...

毒L真係毒L~有得同女神出街都唔識得好好把握~

只見Kawaii慢慢咁靠近...向住豪仔身邊靠近咁行...

咦咦咦喂~睇黎Kawaii仲大膽過豪仔喎~

好彩人地女仔都肯去做主動~

唔係既話就真係無戲唱喇~

嗱嗱嗱!人地女仔都咁主動喇,你唔好自己又行返開丫~

我繼續留意住佢地...留意到豪仔都有靠近Kawaii黎行...

佢地兩個越行越近~越行越近~近到肩並肩咁~

YES!咁咪岩囉~

同女仔出街就係要大膽D先得架嘛~

嗱~我唔係叫你大膽D去非禮人丫~

我係話可以大膽D行得埋D~傾多D計~講下笑咁~

唔好搞到人地都尷尷尬尬咁~又唔好悶親人先得架嘛~

你話個女仔好似我咁咁唔知羞就話姐~

好似話我仲未同皓傑一齊既時候,約出街都係我約佢~

雖然話係我主動去識佢先架姐~但約出街無理由要個女仔開聲先掛?

講起上黎都覺得好無理由~

之不過就係咁無理由~

諗返起…其實都幾好笑~

我會話無人陪...所以想搵佢同我去睇戲...

皓傑個傻佬又真係信我無人陪,陪我走去睇愛情片~

一齊行既時候,都係我扮晒唔覺意咁用膊頭撞下佢手臂咁~

撞下撞下…好自然咁就行埋一齊...拍住黎行~

就好似眼前呢對兩小無猜咁~

望住豪仔同Kawaii...就好似望到自己同皓傑...

當年...同皓傑...

不過講返轉頭...Kawaii都肯主動靠近豪仔...咁係唔係即係話俾緊機會豪仔呢?

又可唔可以推斷為好似當年既我咁...Kawaii其實對豪仔都叫有意思呢?

唔...呢一層...我諗都仲要觀察下先得...

始終都係叫做岩岩開始...

約會而家先岩岩開始...

今日既陽光都真係好猛~猛到我戴住副太陽眼鏡都覺得燦眼~

豪仔突然好醒咁打一打開把黑色長遮!

呢個豪仔又毒唔晒喎~

識得用把遮黎拉近D同Kawaii之間既距離~

而且仲黎得自然~無咁尷尬~

唔錯唔錯~係醒目既~

仲醒目過我添~

我自己都有拎住把縮骨遮~都唔識得開黎遮下太陽~

等我仲曬左咁鬼死耐~真係蠢~

我就開一開把縮骨遮~遮住太陽咁跟住喺佢地後面~

豪仔都仲係好似好生硬咁~Kawaii就好小鳥依人咁~

呢個豪仔真係好搞笑~

你話我同豪仔只係相處左...差唔多兩日就話總會有D怕羞姐~

但Kawaii同我唔同喎~

話晒佢地都係同學丫~

返學都會見到架啦~

應該都見慣晒先係架啦~

係唔係所有兵仔都係咁架呢?

當女神喺身邊之時,都總係周身唔自在咁架呢?

係唔係總係會立正架呢?

Kawaii睇起上黎都無乜野丫~

點解豪仔就總係咁唔自然架呢?

難道返學既時候,豪仔見到Kawaii都係會咁唔自然呢?

定係因為返學有其他人喺道~而家佢地就One On One咁所以豪仔就好緊張呢?

可能啦~可能啦~

可能豪仔同Kawaii單獨相處得再耐D既話,會自然D既~

咁...唔知我同豪仔再相處得耐D既話...一齊瞓多幾晚既話....佢對住我又會唔會..又會唔會無咁怕羞呢?