《港女FF妄誌》: [Day 07－港女軍師] PART 07
好肉痛咁碌左四百六十八蚊...
帶住沈重既心情行出一壽司...
今個月都已經用到無晒錢...
下個月D卡數都唔知找唔找得晒...
仲要無人依靠...想搵個人埋住單先都無...
『都話左一個人唔浪漫架啦...』唉...
唉～而家唉黎都無用啦...
只好見步行步架姐...
都係跟返住豪仔佢地先～
我左望望～右望望～望下豪仔同Kawaii行左去邊～
望多兩望，我就望到豪仔同Kawaii行左去右邊～行緊去扶手電梯嗰邊～
我又鬼鬼祟祟咁行過去...跟住佢地...
跟住佢地落扶手電梯～
跟住佢地落去下層～
又跟住佢地行～
跟住佢地入去H＆M～
入H＆M？係睇衫嘛？
岩丫～有時間就梗係要睇下衫啦～
而且我都可以好肯定呢個提議係由Kawaii提出～
Kawaii帶住豪仔行下行下～
我又離遠咁跟住佢地身後行下行下～
好快～Kawaii就帶豪仔去到女裝部～
喺女裝部呢邊，都有唔少情侶睇緊衫～
正確D黎講係有好多女仔拖住男朋友黎睇佢揀衫～
而D男朋友就梗係唔會咁蠢戇居居咁望住女朋友揀衫啦～
佢地對眼都不知幾咁唔得閒～不停咁掃視周圍人地D女朋友丫～其他女仔丫～
當然有唔少既會俾Kawaii吸引到～亦有唔少既會俾我吸引到～
唔...我係唔係應該感到高興呢？
唔...自己同個𡃁妹仔一樣吸引到咁多目光喎...係唔係應該好自豪呢？
我就唔係咁諗喇～
我覺得應該係所有目光都喺晒我身上先係囉！
我係覺得我比起Kawaii更加吸引囉好唔好！
我繼續離遠咁跟住豪仔佢地，無理到身邊人地D男朋友究竟係望Kawaii多D定係我多D。
我扮晒揀下D衫...又偷偷地留意住Kawaii有乜野舉動...
睇下Kawaii會點樣對豪仔發功...
Kawaii拎起一件好似底衫咁既白色吊帶背心放喺自己身上...俾豪仔睇一睇...
嘩～咁快就拎件咁少布既吊帶背心放喺自己身上喇？
咁快就去到咁盡丫？
嗱～你又唔好話“只係放喺身上又唔係著住俾豪仔睇又有乜咁盡呢？”～
你要知道D男仔係好鍾意FF架嘛～
你咁樣拎件咁少布既吊帶背心放一放喺自己身上，D男仔好容易就FF到著喺你身上係幾咁性感～
分分鐘唔使幾秒仲會FF到起機～
所以話連Warm Up都唔做，一黎就埋牙會唔會盡左D呢？
只見豪仔點下點下頭咁...
哎呀～呢個豪仔真係丫～
唔怕怕羞羞就係傻下傻下咁～
怕怕羞羞都好D～都叫做鍾意個女仔～覺得個女仔靚先會怕羞～
你傻下傻下咁點點頭算係點呢？
可唔可以再俾多D反應呢？
俾個眼前一亮既反應黎睇下得唔得？
Kawaii再拎一拎條淺藍色花花連身吊帶短裙仔放上身～
呢件野著喺Kawaii身上既話...又青春～又性感～男仔睇到都真係噴晒鼻血都似～
但只見豪仔又點下點下頭咁...
唉呀～你係唔係真係咁呆丫？
我又真係唔信你無FF到Kawaii著呢條淺藍色花花連身吊帶短裙仔上身既話係幾咁好J丫～
點都會FF到少少掛？
唔係好J都扯晒旗啦下話？
D反應點可能咁呆架？
平時你打J都係呆下呆下咁打架？
呢層又真係唔知喎～
以前D男朋友望住我黎J既時候個樣都好鹹濕架喎...
所以...我總係覺得男人打J既時候個樣都一定係勁鹹濕咁...
就算睇住myAV SUPER黎打J又好...睇住D J圖打J都好...
唔知豪仔打J既時候又會係點架呢？
唔知有無機會見到佢打J呢？
話晒而家都住埋一齊...間屋又咁開放...如果豪仔要打J既話....對住部電腦打J既話...真係會俾我撞破都唔出奇架喎～
嗱～我就無乜所謂既～
因為呢D都係好正常既生理需要黎架姐～
無拖拍又睇豪仔咁毒都唔會搵SP又唔會敢搵PTGF無野扑都要出野架～
尤其正值發育階段～日日都谷精上腦咁制架啦～
打個J解放一下都要既～
我好了解～好明白～好體諒～就算俾我見到我都覺得好正常～
但豪仔呢～就唔知佢點諗啦～
豪仔本身就咁怕羞～又咁細個～做呢D野一定無咁大膽～
俾人撞破既話，一定會覺得好尷尬～
仲要係俾女仔撞破喎～鳩縮都似啦～
我諗...都應該幾好笑～
男仔都係細細個乜都唔識又好好奇但又要怕怕羞羞尷尷尬尬咁先可愛～
又要驚～又要想試～但又唔敢試～又要心思思咁～
唔似得D情場老手咁錫都未錫夠兩分鐘就急著除你條底...前戲都未做足就除褲即插...
完全係趕住出野...一D精神交流都無...
而家諗諗都覺得好無癮...
所以話唔好淨係話男人想搵個純情學生妹開心下...女人都會想搵個純情學生哥慰藉下～
繼續扮下睇下衫...偷偷地咁留意住豪仔同Kawaii...
而家既情況，就好似傻強所講既：「總之嗰個人做緊一樣野呢，但係又好唔專心咁望住我地，嗰個就係差人！」
最緊要都係唔好俾Kawaii發現...
鬼鬼祟祟咁留意住佢地…
見到Kawaii揀好幾件吊帶背心仔...幾件吊帶連身短裙仔...幾條短裙仔之後...就放到去豪仔手上...
豪仔又傻下傻下咁攬住堆女裝衫...好似有D尷尬咁...
攬住堆女裝衫都尷尬？
你平時唔係都會幫你家姐洗下底衫底褲晾下底衫底褲摺下底衫底褲架咩？
唔係應該慣晒喇咩？
仲有乜野好尷尬呢？
咁都好尷尬既話，仲點敢除女神身上D衫褲呢？
就算俾你見到女神只係著住Bra同底褲丫，你都唔敢解佢Bra帶～扯佢條底褲落黎啦～
唉～真係無鬼用～
我就繼續留意住豪仔佢地...見到佢地行...我又跟住佢地行...
見佢地停低睇野…我又扮晒睇下衫咁...
我又偷偷望一望...望到Kawaii帶豪仔去到...鞋櫃嗰邊...
Kawaii拎一拎起對粉紅色花花布鞋仔睇一睇...放一放到落地下...除一除自己對白色布鞋仔...著一著上對粉紅色花花布鞋仔...
Kawaii著好左對粉紅色花花布鞋仔之後...喺豪仔面前伸一伸直對腳仔...
嘩！出動到Show腳呢招？！
睇黎Kawaii真係好識玩弄男仔喎！
講真嗰句，Kawaii對腳有我嗰對咁白咁滑咁修長...係仔見到都想捉實黎舐啦！
而家Kawaii仲要伸到對腳仔直一直咁...又勾下勾下隻鞋仔咁...又換下對鞋仔再喺豪仔面前玩下咁...
搞到豪仔成個人都呆晒咁...眼甘甘咁望住Kawaii對腳仔實一實咁...
而家D𡃁妹仔真係唔講得笑...
十五歲人仔就咁識得表露自己...賣弄身體...
真係...高手高手高高手…
所以話...而家中學裏面仲邊會有處女架...
唔係老江湖都算偷笑啦～
我就繼續留意住Kawaii點樣玩腳...又轉一轉身...條黑色短裙仔輕輕飄一飄起...差D仲見到條底褲咁制...
豪仔就仲係呆晒咁...眼甘甘咁望住Kawaii對腳咁...塊面仲要越黎越紅添...
著晒迷喇！著晒迷喇！豪仔已經俾Kawaii對雪白美腿迷到痴痴呆呆喇！
Mola Mola～豪仔呢D情場初哥，面對住Kawaii呢D老江湖真係連渣都無得剩喇～
Kawaii就好似大贏家咁既樣...放返好晒D鞋仔...又著返好自己對白色布鞋仔之後...又拉一拉住豪仔行...
玩完鞋喇～應該都係時候...去試衫喇掛？
但只見Kawaii拉住豪仔行既方向...唔係Fitting嗰邊...而係...行左去...
『內衣褲？！』我不禁細細聲咁噏左出口！
行左去賣女裝內衣褲嗰邊？！
使唔使去到咁盡丫？！
話晒而家既豪仔都中晒魅惑咁啦！仲使唔使出動到內衣褲攻勢丫？！
呢個Kawaii...好勝心都好強下喎...
強到對住好似豪仔呢D小毒毒都要出超必秒殺喎！
只見Kawaii拎起個白色Bra...
呢個Size...同我平時買開既差唔多…
唔...
Kawaii拎住個白色Bra...摸下摸下...又搓下搓下咁...
好有FF既空間囉...
豪仔就面都紅晒咁望住Kawaii玩個白色Bra...
我諗豪仔滿腦都係Kawaii淨係著住個白色Bra既樣架喇...
Kawaii將個白色Bra放到去豪仔手上堆衫衫裙裙上之後...又拎一拎起個黑色Bra黎摸...
白色純情...黑色性感...
呢個Kawaii...真係堅！
老老實實如果要我同呢D咁堅既𡃁妹爭仔既話...我真係會輸足九條街...
先唔好論年紀...論心計我一定唔夠佢黎...
萬一俾佢睇中左你個男人...實俾佢迷到唔識得返屋企...
又或者好似阿Ken咁玩到返屋企...
唉...而家D𡃁妹真係好可怕...
Kawaii揀好一白一黑既Bra之後...再拎起埋一白一黑既底褲...放到去豪仔手上堆衫衫裙裙之上...
豪仔就眼甘甘咁望一望住Kawaii...又眼甘甘咁望一望住一白一黑既Bra...又眼甘甘咁望一望一白一黑既底褲...又眼甘甘咁望一望住Kawaii...
好明顯已經FF到失晒控～
Mola Mola～已經上晒腦喇～無得救架喇～
Kawaii見豪仔都已經完完全全喺自己股掌之中之後，就拉住豪仔去...Fitting嗰邊...
我離遠咁望住佢地排隊...等左唔使幾耐...
Kawaii接一接過豪仔手上堆衫...向豪仔打左個眼色之後...就攬住堆衫入Fitting...
豪仔就呆下呆下咁企喺Fitting門外...仲係三魂唔見七魄咁既樣～
我就拎一拎部電話出黎～打一打俾豪仔～
「嘟...嘟嘟...」
豪仔又呆下呆下咁拎部電話出黎睇一睇：「喂...」
『喂～仲FF緊Kawaii淨係著住個Bra同條底褲個樣丫？』我就恥笑一下豪仔～
「嗯...下下？唔係唔係！」豪仔好大反應咁擰下擰頭～又周圍望下望下～
望下望下～望左過黎我呢邊～望住左我～
『唔好望過黎呀！』我就話一話豪仔！
「哦哦...」豪仔望去另一邊，「但係...而家佢都入左去試衫...」
『就算係入左去試衫，都唔可以望過黎！唔可以望住我！唔可以望其他女仔！』我就嚴厲D話一話豪仔！
「唔...哦...」豪仔好似唔係好明...但都要扮到好明咁～
『你要無時無刻都保持住不論心裏，就連眼裏都只有Kawaii一個架！知唔知呀？』豪仔咁鬼蠢我都係點得佢再明D先得！
「嗯嗯...知道...」豪仔諗下諗下...
我諗講到咁白都無可能唔明白喇掛...
『你丫～記唔記得我講過今日全日既使費都你係出丫？一陣記得要自動波咁幫Kawaii俾錢丫！』我再提一提醒豪仔～
「嗯嗯...記得...」豪仔又點下點下頭咁～
『嗯～夠唔夠錢丫？』
「嗯嗯...夠...」
『嗯～要讚佢靚丫～』
「嗯...讚佢靚...」
『嗯～如果佢問你買邊件好既話，記得同佢講Why Not Both丫～』
「嗯嗯...Why Not Both…」
『嗯～我會喺你背後睇住你架喇～你自己都要執生丫～知嘛？』
「嗯...你會喺我背後睇住我...」
『嗯～咁好啦～收線先喇～』
「嗯嗯...」
收左線之後...我再留意住呆下呆下咁企喺道等Kawaii既豪仔...
有D唔係好自然...又好似唔係好介意花時間去等...
咁樣等個女仔試衫...都真係...幾可愛～
離遠咁望住豪仔...
豪仔又企定定咁等Kawaii試衫...
其實喺豪仔身邊...都仲有其他男仔企喺道等緊...
喺豪仔身邊都有唔少男仔企左喺道等緊佢地既女朋友試衫～
不過嗰D男仔就唔似得豪仔咁企得咁定～企得咁呆～
嗰D男仔對眼總係鍾意四圍望～
望下其他女仔～望下D女職員～有唔少仲望緊我～
望下我個樣～望下我對小饅頭～喪𥄫我對雪白美腿～
趁住女朋友唔喺身邊，睇唔到自己做衰野，就不停咁喪𥄫其他女仔～
所以話...男人真係睇少陣都唔得～
又有幾多個男人會好似豪仔咁，傻下傻下～呆下呆下～企定定咁等佢既女神～
你又睇唔到～又唔知佢𥄫得幾咁興奮～
就算你明知佢會𥄫女丫，你又可以點丫～
D男人成日話𥄫下姐～𥄫下姐～又唔係偷食～
講真有得俾你食你會唔食咩？
之不過偷食既話你又可以點？
好彩D既就好似我咁，神推鬼㧬俾我撞破阿Ken～果斷離場～
唔好彩既話...真係密密食你都唔會知...
咁就真係瞞足一世，傻西一世～
所以話呢...要搵個好男人真係幾咁難呢...
我諗就只有好似豪仔呢情場新手先係最可靠～
情場新手…
唔知嗰時既皓傑...又會唔會好似而家既豪仔咁...傻下傻下...呆下呆下...企定定咁...等我呢...
我記得以前帶皓傑去睇衫...當我由Fitting出返黎之時，佢都總係會望住我行出黎...望到我實一實咁行到去佢面前...
嗰時既我...無深究皓傑有無趁住我唔喺佢身邊就走去𥄫其他女仔...
應該話我心底裏早就預左佢會趁住我睇佢唔到就走去𥄫其他女仔...
我又唔會介意～仲覺得好理所當然～
男仔對眼生出黎就係用黎𥄫女...
男仔都係偷戀別人的妻子...
男仔都係花心...縱使身邊已經有個又靚又索又可愛既女朋友...
但而家諗返...當時既皓傑...應該都會好似而家眼前既豪仔咁...
都係咁傻～咁呆～咁可愛～
唔知而家既皓傑又會唔會係咁呢？
過左咁多年...仲有無Keep住呢種...青澀既心呢？
都過左咁多年啦～青澀都變苦澀啦～
咁多年黎...我都對佢不瞅不睬咁...
就算仲未心死丫...都半放棄狀態啦...
如果唔係既話...又點會淨係識得晚晚凌晨Send個Message就算...一D表示都無...
不過…如果話...晧傑對我有所表示...
暗示又好...明示又好...
示意仲鍾意我...仲愛我...仲等緊我既話...
我又會唔會...接受佢？
我而家都無拖拍啦～
又再一次回復單身啦～
假如今次皓傑真係有所表示...
一諗到呢道，我深心又有一道阻力...
好似叫我唔好再諗落去...
唔好再FF落去...
而呢道阻力...唔係對皓傑無感覺...
而係唔可以有感覺...
點解會咁架呢？
點解會有咁既阻力出現架呢？
呢道阻力又來自邊道架呢？
或者...或者係...係我無面目去面對...
諗下諗下...諗諗下就見到Kawaii由Fitting行返出黎...行到去豪仔面前...
只見Kawaii點下點下頭咁～豪仔又幫一幫佢拎一拎手上D衫～佢地就行去排隊俾錢～
而豪仔都好識做，拎定個銀包出黎等俾錢～
嗯嗯～孺子可教～孺子可教～
我就離遠咁望住佢地兩個傾住計咁排隊等俾錢～望住豪仔俾埋錢～望住Kawaii好開心咁同豪仔步出H＆M～
我又鬼鬼祟祟咁跟住佢地身後...離遠咁跟住佢地上電梯...
跟住佢地行...留意住佢地咁行...
佢地行緊既方向係...係戲院...
睇黎都差唔多～差唔多去戲院拎定飛等入場～
時間都真係過得好快～
食下野～睇下衫～試下衫～俾下錢就過左幾個鐘～
或者係因為...都算順利掛～
都算叫做...無乜意外～
就咁睇Kawaii既反應同面色...都好似幾滿意豪仔既表現～
而且仲好似...幾經常喺豪仔面前表現自己～引誘豪仔～向豪仔發功～
Kawaii會對豪仔做呢D野...我諗稱唔上有好感既話...都算叫得上對豪仔有興趣啦～
嘿嘿...唔錯唔錯～
我就一直跟住佢地...跟住佢地入戲院...睇住豪仔行到去部機前拎飛...
Kawaii拍晒手咁～好似好欣賞豪仔咁～
豪仔又怕怕羞羞咁摸摸頭～擰擰頭～
係因為覺得豪仔用信用卡上網買飛好叻叻？
係都唔出奇丫～而家成間戲院都企滿晒人～
有男有女有情侶咁～我諗大多數都係等緊入去睇我地睇嗰一場架喇～
如果話而家先黎買飛，買鬼到咩～
再加上好似佢地呢個年紀就有信用卡喎～（無錯～張卡係我既～但睇唔到個名就梗係以為張卡係豪仔架啦～）就算係附屬都覺得好威威架啦～
所以呢～唔多唔少都有分加既～
而我呢～一早就估到會有呢種畫面出現～
可以話係...一切都盡在我掌握之內～
點解我會咁清楚？因為我都係女神囉～