喺人群之中...離遠咁望住豪仔佢地...

等佢地行開左…

等佢地行左去排隊入大堂...

『唔該…唔該…』我就穿過人群...

唉~有時都真係幾怕去D人多既地方~





無計啦~生得細粒丫嘛~

生得細粒既女仔置身喺人群之中就總係有一種...好似俾人強暴既感覺...

你話而家既香港都仲叫做有D法治...

再過多幾年?真係唔敢想像...

唔敢想像日光日白行行下旺角會俾D強國蝗捉住入後巷女女女女女女女女女女女女女...





我唔係誇張丫~

我都唔係杞人憂天架~

而家既香港...真係唔再係十幾年前既香港...

有時都真係...好想可以回到過去...

尤其係面對無法預測有幾壞既未來...





你就更加想可以回到安穩既過去...

安穩既...過去...

想回到過去...試著讓故事繼續...至少不再讓你離我而去...

『唔該…唔該…唔該…唔該…唔該…』幾經辛苦,我終於穿過晒D人...行到埋黎部機面前...

快快手手拎埋張飛~

『唔該…唔該…唔該…唔該…唔該…唔該…唔該…唔該…唔該…』又穿過人群...排隊入大堂...

一入到去大堂,我就左望望~右望望~望下豪仔佢地喺邊先~

喺人群之中...我離遠望到豪仔同Kawaii喺洗手間附近...





Kawaii指一指洗手間...

豪仔又尷尷尬尬咁點點頭...

之後Kawaii就行左入去洗手間...豪仔又傻下傻下咁企左喺道...

睇見豪仔雙手拎住頭先喺H&M買嗰袋衫...

唉~呢個豪仔真係傻仔黎既~

等女仔去洗手間都可以有好多野做架嘛~

我就拎一拎部電話出黎,打一打俾豪仔~





「嘟...嘟嘟...」

豪仔又呆下呆下咁單手拎住袋衫,另一隻手拎部電話出黎睇一睇:「喂...」

『喂~唔好企喺道FF Kawaii屙尿喇~』我就恥笑一下豪仔~

「我無呀!我無呀!」豪仔好大反應咁擰下擰頭~又周圍望下望下~

望下望下~望左過黎我呢邊~望住左我~

『都叫左你唔好望過黎呀!』我又話一話豪仔!

呢個豪仔都無耳性既!

岩岩先講過無幾耐...而家又唔記得!





「哦哦...」豪仔望去洗手間嗰邊,「我真係無FF到丫...」

『係咩係咩?咁你又咁呆~』睇你個傻下傻下既樣又真係幾可愛~

可愛到我又忍唔住要恥笑下你~

「咁...咁佢叫我喺道等佢...咁...咁我咪企喺道等佢囉...」豪仔又口震震咁答~

『人地叫你等佢姐~都唔一定要企喺道等架嘛~』呢個豪仔真係傻得可愛~可愛得傻~

「咁...咁唔係企喺道等...咁應該點等丫?唔通坐喺地下等咩...」豪仔好努力咁反駁一下我~

估唔到豪仔咁大膽反駁我喎~





有進步~有進步~

『咁你可以去買定D野食同野飲架嘛?』又要我教喇~

「買定野食同野飲?」豪仔望一望過去賣食品飲品嗰邊~

『係丫~你睇下而家都有唔少人排緊隊買野喇~你而家排定隊~買定先~等到Kawaii屙完尿出返黎見到你已經買好晒野食同野飲既話,就會覺得你好細心~好體貼~又有分加架喇~』又要我塞錢落你袋~

「哦哦...」豪仔又好聽話咁行去排隊買野食~

『嗯~咁好啦~收線先喇~』

「嗯嗯...使唔使幫你買埋丫?」

『傻架咩你~今日全日你都要服侍Kawaii~要全心全意成個人連埋個心都係Kawaii架喇~唔准諗其他人丫知唔知丫?』

「哦哦...」

『嗯~咁收線喇~』

「哦哦...拜...」

『拜~』

收左線之後,我就望住排緊隊既豪仔~

好似D中學生喺放Break丫~放Lunch丫~去食物部排隊買野食既學生哥~

仲記得中學既時候...食物部都未開門...就已經有勁多人排住隊等買野食...

仲記得...皓傑總係會第一時間...落到去食物部...排隊...

每次當我落到黎有蓋操場...每次當我急急腳咁跑到落黎...我都會見到...見到皓傑已經喺食物部排緊隊...

望住皓傑既背影...望住皓傑排緊隊既背影...我都唔需要再走過去...

因為我知道...知道皓傑會幫我買我鍾意食既野...鍾意飲既野...

我就行到去長檯嗰邊...搵個靚位...坐定定咁...一直都喺遠處望住皓傑既背影...

望住佢企定定...呆下呆下咁企定定...

有D心急...有D緊張咁...

就似我而家又心急...又緊張...唔知今日有無得賣...又唔知皓傑買唔買到...

呢種係期待既心情?

或者係...或者期待總係會令人興奮...

一種50%希望...50%失望既興奮...

我帶住期待既心情等...

等到食物部開門...

等到皓傑買完野...

等到皓傑帶住滿意既笑容轉身...

等皓傑拎住D野食望到我...

等到皓傑帶住微笑望住我...急急腳咁走到黎我面前:「我買到你最鍾意食既魚蛋~燒賣~同埋可樂~」

『正丫喂~今日又有齊魚蛋燒賣同可樂~好彩有你一早落到黎排隊咋~唔係既話...我諗要我落到黎先排既話,輪到我既時候都賣晒Luu~』我就流晒口水咁既樣~

皓傑放好包魚蛋燒賣同埋罐可樂喺檯面上:「哈哈~唔係時時都有得賣架~有時佢無整到既話,排第一都係買唔到~」

『所以有得食好食喇~』我就急不可待咁拎起支竹籤~吉一吉粒魚蛋放入口~『嗯~好味好味~』

「慢慢食啦~睇熱丫~」皓傑好細心咁用紙巾抹一抹罐可樂~幫我開一開~再插一插支飲管落去~放到喺我面前~

『有你服侍真係好~』我甜絲絲咁望住皓傑笑一笑~啜一啜啖可樂~

雖然話皓傑唔識得口甜舌滑~但就真係好細心~又體貼~

「可以既話...我希望可以一世都只係服侍你一個...」皓傑情深深咁望住我...

『口甜舌滑~』岩岩先話皓傑唔識得口甜舌滑~呢頭就口甜舌滑~

「真心話黎架~」皓傑仲要情意濃濃咁望實我...

『真心話都出埋丫~仲話唔係口甜舌滑~』我無再正視皓傑...繼續食我既魚蛋~我既燒賣...

希望可以一世都只係服侍我一個...

其實我並唔覺得皓傑呢句係口甜舌滑...

其實我係深深咁感受到皓傑呢句話係出自真心...

只係...只係我唔想去面對...

我唔想去面對...面對皓傑對我既真心...

我係唔敢去...去接受皓傑既真心...

要知道要對一個人真心...係好難...

而更難既係...要喺呢個世界上遇到一個真心對你既人...

我唔敢去面對...我唔敢去接受...

因為我怕...我怕有一日...你會一個轉身...頭也不回...離我而去...

“典 經 法 為邪定界 色 空 相”

電話既鈴聲將我由過去既回憶中...帶返黎現實...

“怎樣理解 解 亂置好與壞”

我望一望手中既電話:『係豪仔?』

我再望一望企左喺Counter前望住我...一面迷惘咁望住我既既豪仔...

搞咩丫?搞咩咁迷惘丫?

我就滑一滑動接聽豪仔個電話:『喂?做咩丫?咪叫左你唔好望住我架囉!』

呢個豪仔真係丫...話極都唔聽!

「係係!」豪仔立即擰返轉頭!「我...我想講呢...而家呢道就係得個...遙遠的她與她秒速5厘米言葉之你的名字感動流涕二人情侶套餐賣咋喎...咁我仲買唔買好丫?」

『下?有乜問題丫?點解唔買得丫?』雖然話個名水蛇春咁長又九唔搭七咁...

而家D名真係...好鬼死奇怪...

唔係下下“是咁的,乜乜乜乜乜乜乜乜”就係“我竟然乜乜乜乜乜乜乜乜乜乜”再唔係就“乜乜乜乜乜乜乜乜,而家唔知點算?”...

而家D名係唔係真係咁難改?

係唔係唔可以簡簡單單四五隻字就帶出故事,吸引到眼球?

定係而家D人都比較膚淺?

唔下下喺個名道講個故事內容出黎就無人留意?

唉~算啦~香港就係咁架啦~

急速丫嘛~速食丫嘛~無時間諗咁多丫嘛~咪浮於表面~咪寫到出晒面囉~

好彩我唔係作家~唔係實激死~

「問題係個遙遠的她與她秒速5厘米言葉之你的名字感動流涕二人情侶套餐呢...只係得一個大爆谷...同一杯大可樂咋喎...」豪仔又再一次讀出個水蛇春咁長又九唔搭七既套餐名...

『下?咁又有乜問題丫?講明二人情侶套餐丫嘛~』都唔係新聞黎架啦~

呢幾年D二人情侶套餐雖然成日轉名,但都係兩個人Share一個大爆谷同一杯大可樂咁搵笨柒架啦~

唔係點賺錢丫?

「咁...咁咪要兩個人Share一杯大可樂囉...」豪仔又尷尷尬尬咁...

『下?咁又有乜問題丫?講明二人情侶套餐丫嘛~』都係嗰句,呢幾年D二人情侶套餐雖然成日轉名,但都係兩個人Share一個大爆谷同一杯大可樂咁搵笨柒架啦~

唔係點呃鳩你錢丫?

「哦...咁...我係唔係要拎兩支飲管丫?」豪仔又尷尷尬尬問一問...

除左話喺電話中聽到豪仔問埋D白痴問題之外,我仲聽到佢嗰邊有D人講...“得未丫?”...“前面搞乜咁耐架?”...“條友係唔係無錢俾呀?!”...“係唔係有選擇困難症呀?”...“快撚D啦!”...“阻撚住晒!”...

睇黎排喺豪仔後面班人都已經等得好唔耐煩...

『拎乜鬼野兩支飲管丫?一支管開心Share就得啦!』而家仲邊有人咁唔環保架?

成個香港都已經夠晒多硬膠架啦!仲要用咁多膠!

唔好叫香港喇~改名叫膠港啦~

「之但係...」我無再等豪仔繼續講落去...

『唔好再之但係喇!你再之但係既話我怕你會俾你身後班暴徒溶左丫!快D俾錢快D買完等Kawaii出黎啦!』而家D香港人好大壓力架嘛!你仲阻住個地球轉喎,真係俾人溶左都唔知乜事!

「哦哦...唔該我要一個遙遠的她與她秒速5厘米言葉之你的名字感動流涕二人情侶套餐...」

同豪仔收完線...又睇住佢傻下傻下咁拎住個大爆谷同一杯插左一支飲管既大可樂企埋一邊等下等...

呆下呆下咁企定定咁等...

唉~呢個豪仔真係丫~搞到我鬼死咁緊張咁~

搞到而家好似我去約女神出街咁~

最慘既係豪仔佢無黎醒目嘛~

點極都唔明嘛~

之不過...又幾聽話就真既~

豪仔佢...又真係幾聽我話既~

唔知豪仔平時聽唔聽ManYan話架呢?

又唔知ManYan平時有無時間理豪仔架呢?

聽豪仔講...我諗都唔會有幾理...

ManYan點豪仔就有~邊會等閒理豪仔咁多丫~

如果係咁既話...都算好彩喇...

好彩豪仔最多都係一條小毒毒~而唔係一條死MK~

毒下毒下唔識得追女仔,都總好過周圍呃蝦條~

你話D死MK仔呃D臭雞就話姐~

最怕就係D死MK仔呃到D純情小女孩...傷心又傷身...

呢D傷真係一世架...

而且毒毒地都...幾可愛丫~

睇下豪仔而家成個城牆下既士兵等緊公主咁~

做公主真係幸福~

幸福?真係幸福?

如果話企喺城牆下等足九十九日既唔係士兵...係王子既話...就真係幸福既...

可惜既係...王子總係遠在天邊...

好諷刺丫呵?

等緊你既人就喺身邊...你等緊既人就遠在天邊...

呢D係唔係叫天意弄人?

定係自己弄自己呢?

其實點解我地總係要追尋遙不可及既王子?而唔去珍惜唾手可得既士兵呢?

我又係唔係...講得太多呢?

我明白...道理無乜人鍾意聽...

我更明白...我無資格講道理...

我...我並唔係深雪...更唔係陳煩...

我都只不過係一個平平凡凡既港女黎姐~

望住豪仔等下等~等到Kawaii由洗手間行返出黎~

望住Kawaii指住份遙遠的她與她秒速5...乜春野情侶套餐恥一恥笑豪仔~

豪仔又尷尷尬尬怕怕羞羞擰擰頭揮晒手咁~

Kawaii就甜絲絲咁笑笑口拉住豪仔入三號院~

好~都係時候入場~

入到去三號院~

搵返自己個位~

坐正喺豪仔佢地身後既位置~

我坐定定之後,就望一望前面...望一望背住我既豪仔同Kawaii...

豪仔同Kawaii之間既阻隔...即係嗰支手柄...都仲係未拉起...

手柄隔開左豪仔同Kawaii...分成兩個獨立位...

我望左一陣,都唔見豪仔有想拉起個手柄既舉動...

呢個豪仔真係遲鈍架!

都坐定定咁過左一陣,仲唔識得自動自覺咁拉起個手柄!

單一座位坐得舒服D架咩?

舒服得過雙人座位咩?

將阻隔拎開...坐埋一齊唔係會開心D咩?

就喺我咬牙切齒勁肉緊諗點解豪仔仲係無舉動之時...

Kawaii輕輕咁將佢同豪仔之間既手柄拉起~再靠一靠近豪仔~坐一坐埋豪仔身邊~

唉~始終都係要個女仔做主動~

唉~無乜經驗既情場初哥係唔係個個都係咁架呢~

唉~面前既豪仔係咁~以前既皓傑又係咁~

第一次同皓傑睇戲,我都係等左一段時間...等左好耐...等皓傑拉起我同佢之間既阻隔...

不過我等左勁耐,皓傑都係好似豪仔咁,一D動靜都無囉!

好似唔想同我坐得埋D...同我親近D咁囉!

到最後我都係好似Kawaii咁忍唔住做主動~

皓傑又係傻下傻下咁俾我貼住黎坐~黐住黎坐~

做主動...

初初接近皓傑…係我做主動...

到初初同皓傑開始...好多時都係由我做主動...

做主動...其實都唔錯~

起碼唔會有被迫既感覺~

我主動做既...都係我想做既~

而且...仲好似一個引導者咁~引導一個情場初哥點樣同女仔相處~

而皓傑...真係有慢慢咁學...慢慢咁體會...慢慢咁...變得細心...變得體貼...變得溫暖...

對我...

有一段時間...都好長既時間...係喺我地...分開左之後...

唔知豪仔又會唔會學得識呢?

又唔知豪仔會唔會好似皓傑咁呢?

會唔會好似皓傑咁...變得細心...變得體貼...變得溫暖...

對Kawaii...

開始越黎越多人入黎...前面既...後面既...

有唔少係一雙一對既情侶...年齡都係同豪仔佢地差唔多…

兩小無猜~

當然都有唔少SHESHE同HEHE入場啦~

無女又約唔到女神既,就只好搵返個兄弟入場我懂的~

之不過你話兩個女仔入黎睇愛情動話就叫閨蜜姐~

兩個男仔...總係怪怪地咁囉~

如果我係仔既話,我真係寧願自己一個人的浪漫...好過HEHE咁礙眼...

一個人的浪漫?

我而家咪又係又再一個人的浪漫囉...

唉~唔好咁諗~唔好咁諗~

我可以話係黎睇住豪仔既~

所以都唔可以真係話一個人黎睇戲既~

雖然話我又真係岩岩甩左拖...

「唔該…唔該…」一對同我咁上下年紀既情侶經過我面前...

我縮一縮對腳仔...

個男仔隻小腿輕輕咁掃一掃到我個膝頭哥...

個男仔坐一坐喺我身邊...我察覺到佢對眼不停咁偷偷望下望下我對大腿...

哦?係唔係掃到我個膝頭哥覺得好滑,就俾我對腳吸引住呢~

你有女朋友喺身邊架喇~仲走黎𥄫我~

所以話我真係好有吸引力~

我又偷偷咁望一望個男仔...

個男仔隻手就摸下摸下佢女朋友隻大髀...又偷偷地咁望住我對大髀...

一邊望住我對大髀...一邊摸下摸下佢女朋友隻大髀...你真識食丫~

我又使唔使俾你摸摸...比較一下係你女朋友嗰對滑D?定喺我嗰對滑D丫?

FF下好啦~有得俾你摸晒兩對喎?就算我肯丫~你女朋友都唔肯俾你咁爽啦~

男人~總係好似貓咁~

口咬一條魚~眼望一條魚~手撳一條魚~心諗咪又另一條魚~

我就唔理得佢咁多~繼續坐定定咁留意住豪仔佢地~

只見Kawaii拎下豪仔手上盒爆谷黎食~又拎下豪仔手上杯可樂黎飲~

Kawaii完全唔介意咁,一啖就啜住支飲管~

Kawaii啜左兩啖之後,就遞一遞支飲管埋豪仔嘴邊~

豪仔眼甘甘咁望住支帶有Kawaii既口水...爧爧地既紫色飲管...口震震咁...嘴唇震震咁...啜一啜...

豪仔啜一啜支帶有Kawaii口水既飲管...塊面開始紅紅地咁...越黎越紅咁...

恨到啦你~飲到女神既口水尾~

係唔係覺得好甜呢~

係唔係而家先發現女仔既口水係特別甜呢~

係唔係好似士多啤梨咁甜呢~

咁係因為個女仔搽左士多啤梨味潤唇膏姐~

女仔係特別鍾意搽D有甜味既潤唇膏架~

點解?

就好似而家咁囉~俾你飲佢既口水尾既時候都覺得甜D囉~

會難忘D囉~

到你食粒士多啤梨都會諗起佢囉~

或者有機會行多一步...再深入D...有得錫錫…

包你錫到唔捨得分開丫~

我見豪仔呆下呆下又面紅紅咁啜住支飲管...都啜左好一陣子...

Kawaii就谷一谷起塊面豬登~搶一搶過支飲管就放到入自己個嘴仔道~

完全唔介意飲豪仔既口水尾~

而且Kawaii仲甜絲絲咁啜下啜下~望住豪仔個嘴啜下啜下支飲管~

嘿嘿嘿...Kawaii呢個女仔真係...好主動呢~