總在寂夜裡想起妳: 3

可能你會話，唓，同一間學校要撞到有幾難呀，我周不時都撞到呀邊個邊個啦。如果真係好似我頭先咁講，只係返學放學途中撞到，我諗之後都無咁多事發生。 

好記得個日，上完英文堂之後要去打ball，中間得十分鐘時間，唯有狗衝落樓下m記買個包外賣拎走啦。 

去到排隊一個人又係無無聊聊噤下電話，之後突然聽到背後有把好溫柔嘅聲音，我一擰轉面，萬料不到竟然係佢排咗係我後面 

「Hi！」雖然我成日諗住撞到佢，不過點都無諗過係咁嘅情況下撞到。 

「Hi！咁啱嘅，嘿嘿。」我發現佢每次笑都係嘿嘿聲。 



「趕著打波呀，唯有買個包外賣囉。」show俾女仔睇你能文善武是常識吧 

「打咩波呀？」本來拎住部電話噤wtsapp嘅佢，好似真係對打波既男仔有興趣，收埋咗部電話，一臉好奇咁問我。 

「哦冇呀，tabletennis team啫。」我R下個頭，扮晒謙虛咁講。 

「係呢，食乜包好呀？」嘩你啲話題轉得咁快嘅？ 

「點知你呀，我就食雙牛芝堡嘅。」個時仲係八蚊雞。 



「食唔食豬柳蛋漢堡好呢？」「是但你啦。」對呢啲問題真係哭笑不得。 

「先生要唔要試下個至尊漢堡？」原來已經排到我，拎番轉面就落order。 

「係呢咁你有冇玩咩sports？」睇下有冇共同興趣嘛 

「我今個sem打golf。」打golf not my cup of tea 喎。 

「到你嗌啦。」「豬柳蛋漢堡餐呀唔該。」心入面都有答案啦，問乜鬼人 



「趕著打波呀，走先啦。」拎住個包，其實唔係要練波我真係想同你共聚呢個咁浪漫嘅m記早餐。話晒都係個肯同你食m記嘅女仔喎。 

之後去練波，個日手感真係勁好，殺死晒對枱班友仔，將冇得一齊食早餐既憤怒發洩晒出嚟