「屌,屌你老母咩屌,訓多陣啦仆街!」689拎住部3310一嘢扑落去,佢又暈咗。 

「你輕力啲啦,等陣扑死咗佢點套料呀。」我語氣帶點責罵嘅味道。 

「sorry囉。而家點呀?」 

「走啦,仲洗諗架咩!」我孭起個絲襪佬,直衝落大堂。 

「你孭住條友諗住點走呀?」689跟係我後面,好似當我係擋箭牌咁。 





「見步行步啦,一係你上返去俾人射菊花啦咁多嗲。」 

「唔好唔好,K大佬我跟你搵食。」689對住強權即刻變咗隻狗,擺晒尾咁向我示好。 

「唔好嘈啦咁,出到去跟住我屁股行就啱架啦。」我將隻耳貼住到大門,聆聽下出面嘅情況。 

好靜,靜到唔尋常嘅地步。 

「無理由無啲mk仔係度叫囂架喎。」我摸著下巴,諗緊對策。 





「今晚亞視播旺角男女呀,佢哋實返晒屋企打j,梗係冇聲啦。」 

「你又知亞視播乜?」 

「屌,佢個幾點收視我兼職幫佢chok出嚟架,我點會唔知佢播乜呀。」 

「嘩,原來你咁有良心架。」 

「無計啦,搵食艱難呀。」 





「我信你架啦,咁我哋出去啦!」我推開咗大門,對未知嘅將來挑戰!
已有 0 人追稿