[年齡無界限] 就係咁，我最近出席好多喪禮: ４３　北上尋親

打左個電話比小段，同佢交待左成件事後，佢都接左蔡老闆個喪禮，但係因為仲未聯絡到佢嘅家人，所以儀式要點樣搞呢Ｄ確定唔到，要等到見到前妻後，先可以決定。

「下！？死左？」呢一句話，係當我打比珍妮，我話佢聽後佢嘅反應，佢呢一句仍然係咁摟屌，但我知佢嘅個性，佢講呢一句話都唔出奇。

不過佢都有講Ｄ安撫嘅說話，仲叫我搵小段幫手，同佢講左我一早搵左佢後，佢就同我講：「我都幫手。」講完呢一句話佢就ＣＵＴ左線。

呢兩個年青人，真係搞笑。

兩日後，我、阿然同細路祥坐直通車返大陸，因為蔡老闆有親人，所以認屍要搵佢地落黎，呢一程車，我地心情都好平常，講嘅來容都係圍繞住一陣見到蔡老前妻時唔好發火，要好好傾，仲有保險，細路神拎左一份ＣＯＰＹ上黎比佢地睇。





根據我地有嘅地址，用左少少時間就搵到。

眼前嘅，只係一個平平無奇嘅屋村，「蔡老闆前妻住係呢一度？」我問，而阿然再三確認個地址話：「係啊，就係呢一度。」

無理由架，聽阿然所講，佢前妻應該係搵左一個有錢佬先走架ＷＯ，佢地無理由係住呢一種地方架。

呢個地方，同我地香港所住嘅公共屋村差唔多，點都唔知有錢人住嘅地方。

直到，行到地址所寫嘅單位門口，我都仍然唔相信。





按門鈴，門開，「是誰？」一個講國語嘅婆婆開門。

雖然已經老左咁多，但我都睇得出佢係蔡老闆嘅前妻。

「請問，妳是……」問左佢嘅姓名，再講左比佢聽我地係蔡老闆嘅朋友後，佢本身有少少抗拒唔想比我地入去，直到我講左一句：「蔡老闆死了。」

一剎那就呆左嘅婆婆，哭腔地話：「……請進。」講完後，佢就轉過身不停喊緊。

入到屋，簡單嘅傢具，無咩特別，單位同我地香港差唔多大，我地坐係廳，而佢就拎左幾杯茶比我地，然後用廣東話問我地：「佢……點死架？」





將成件事話比佢聽果陣，佢一路聽一路喊緊，睇得出，其實蔡老闆前妻仲好睇重佢嘅感情，只不過係發生左果件事後，先搞到今日咁。

而講到咁上下，細佬祥拎左蔡老闆份保險出黎話：「呢一份係蔡叔佢之前買落嘅保險，而受益人上面寫住嘅，係妳同妳個仔。」

佢前妻見到呢一份保單後，喊到仲勁咁話：「……點解？點解我做左Ｄ咁錯嘅事，你都可以原諒我，而且仲為我做左咁多野……」

聲淚俱下，佢前妻好自責咁話：「如果唔係我當年蠢，唔做果Ｄ傻事，唔做錯嘅決定，可能係你走之前嘅日子仲可以陪住你……」

但，人已經走左，講呢Ｄ都無用。

係呢個時候，我問左佢：「係呢，蔡老闆個仔呢？」

「佢返左工，一陣就返。」佢前妻答。

「咁……你而家嘅老公？」我問，而佢前妻答我地：「其實……我無再婚。」