我:「你傻極都要有個限度架?都咁耐你真係注意唔到? 」

「我根本唔係魯路修! 」

呢兩句說話,徹底震撼我眼前呢個女人。

Cherry:「lulu你點解要咁講…點解要話自己唔係自己? 」

我:「我話左我唔係佢,我叫Proto Zero!係佢..係佢既…」



算啦,反正都已經講左,唔差左啦。

我:「係佢既複製人!我只係魯路修佢用新細胞技術製造出黎既產物!用黎代替佢! 」

「見到呢個你應該明白啦?你係佢老婆你應該知道架!」

我show左雙臂比佢睇,因為我記憶中魯路修手臂度有條疤痕,係學煮野食時整親。

但我無呢條疤痕。



連續兩個震撼彈,相信佢一定接受唔到啦。

果然,佢開始慢慢退後,擴大我地之間既距離,仲開始喊。

佢喊左一陣之後就停左,仲深呼吸左一下。

Cherry:「我應該早D發現到..但每次都有其他野分㪚到我既注意力… 」

「你又飲咖啡,又煮拿破崙意粉…性格又唔同左,我應該一早就覺得奇怪..」



「我點解要不斷搵理由去說服自己話你只係變得成熟左,點解唔好好相信自己既直覺…」

「我居然同另一個男人一齊過左兩個月… 」



見到佢不停係度自言自語,我個心又開始痛,但我唔敢表現出黎。

Cherry:「咁你可唔可以話俾我知,佢而家到底係邊度?我真係好想見佢…」



我:「晨哥收埋左佢,你可以去問佢。」

Cherry:「嗯,多謝你..eh..Proto Zero。 」



佢講完之後就離開左,頭也不回個種。

我應該早就預計到呢個結果,當佢知道左我唔係魯路修之後一定會離開我。

明明早就預料到,但點解我個心仲係咁痛,好似比人撕開兩邊咁…

過左唔知幾耐,病房既門再次打開。

明明我知道入黎既一定唔會係Cherry,但我仍然抱有一絲希望。

不過,現實係殘酷既,入黎既係晨哥。

晨哥:「點解你要咁做。」



我:「佢..走左嗱?」

晨哥:「吓?呃…係啊。」

我:「去左搵魯路修?」

晨哥:「佢原本係打算即刻去,但我同美星說服左佢,叫佢聽日先去。」

「你仲未答我,點解你突然之間要自爆?你應該知道…」

我:「我諗我應該唔擺得好耐。」

短短既一句說話,換黎長久既沉默。

其實呢個決定都只係岩岩先作出。係我醒返之後Ellie話我知我自己既情況,仲有阿明講魯路修而家點之後先做呢個決定。



雖然我係好唔捨得,不過我覺得係時候啦。

再拖落去的話,我既身體只會愈來愈差,最後都係難逃..唉。

我唔想佢見到我有事而傷心個樣,所以我決定放手。

放開我原本以為可以捉緊一生既幸福。

與其要佢為一個唔係自己真正愛既人既病情而傷心,倒不如我而家就傷佢心,等佢痛一下,然後去返魯路修身邊。

同埋既然而家魯路修情況都開始轉好…我都好應該功成身退,離開Cherry,慢慢等個日既到來。

呢個亦係起初我同魯路修之間既約定。



我心係咁諗,而行動亦係一樣,成功送走左佢,但係我個心真係好痛。

我忍唔住用力捉緊張被。

晨哥:「原來係咁。」

我:「唔?你話咩話?」

晨哥:「無,只係覺得你地兩個連性格都好似。」

「雖然方式唔同,不過你兩個都為左所愛既人犧牲自己。」

「一個就為左唔想令佢傷心而講大話,而另一個就岩岩相反,為左唔想令佢傷心而講真話。」

「藥已經為你準備好啦,嗱比你既。」

晨哥將一個藥盒塞到去我手中,我望住個藥盒,恨不得揸碎佢。

我:「呢D野又可以幫到D乜…根本就無用。」

晨哥:「放心啦,今次係新配方,可以有效抑制分解既情況。」

我:「就算係咁,我根本唔會長命…我自己好清楚。」

「seed入面個古魯謝同雷都係複製人,佢地都係唔長命…」

晨哥:「喂你… 」

我:「晨哥,其實我有兩件事想拜託你。」

我又打斷左晨哥既說話。

晨哥:「好,即管講,如果係我幫到既我一定會幫。」

我:「你一定幫到…第一件事係送我去一個唔會見到佢地既地方。」

「就算係返去研究所我都無所謂…」

晨哥:「得,呢樣我可以保證,我可以幫你造一個身份,送你去你想去既地方。」

我:「多謝你。」

晨哥:「咁第二件事係咩?講埋啦唔怕喎。」

第二件事的確有少少難以啟齒,因為呢個要求實在有少少過份。

我:「我…想…」

晨哥:「有咩就講,我最憎人吞吞吐吐。我應唔應承係一回事,但起碼你要講出黎先。」

既然你都咁講咯…

「求下你唔好再製造複製人。」