電腦無啦啦多左d唔知咩既檔案係度(上): 第十二節

然後我衝左去好耐冇郁過既儲物櫃抄本相薄出黎
由細到大，我既畢業相，班相我都收藏哂係呢本野果度，都係要黎儲，打開既機會真係小之有小。
我由中一開始揭….一直揭到中五 
男既有好多 偉樂又有，俊樂又有，永樂都有…
女既又有曉雯，秀雯，秋雯…
直到中六七果兩張，我發現到一個震驚到令我跌相薄既野
因為我見到既係…….suki 
Suki係我中同?點解我冇記憶既?冇可能嫁
而佢個名正正係…xx雯
Suki就係呀雯?發生咩事?




我再搵下邊一個叫做呀樂，係我一班，叫呀樂有兩個，一個中等身材，戴眼鏡，一個標準既模範生咁樣，而另一個身材比較矮小，個樣青靚白淨，幾分吳尊之相，但邊個先係真呀樂呢?我估呢個suki一定知道哂所有野。


我拎起電話
望住suki個電話，內心係度爭鬥緊，打好?唔打好?
雖然我都係鼓氣左勇氣，但決定都係選擇whatsapp...
「suki…?」
…
…
等左足足五分鐘，都唔見有咩回應…




「可能佢未有時間睇電話呢，做緊其他野都唔定..」
唔得!呢條線索可能好重要，我竟然會唔記得呀樂同埋suki，即係有人對我地既記憶做過手腳啦!唔通呢個世界有另一台”歷史控制器”?
「呀雯!」 我張手上唯一一張王牌亮左出黎
今次唔過十秒
Suki就覆左我
「…」
「半個鐘後，xx公園，一個人黎唔好同任何人講」
Suki約我出黎見面?上次放催眠香薰，難保今次唔會插我愛滋針，割我個腎
屌!唔撚驚，雖然冇濕撚哂，刁那媽頂硬上






由出門口到xx公園既途中，我既心上下不斷係度跳，好驚會死，好怕會消失…
死，傷心既係老豆老母，於心何忍…所以我一直極度鄙視d想自殺既人，可能消失冇人記得反而更好，起碼冇人會有傷感。
早左五分鐘到既我坐左係公園既滑梯上面，呢個位好處係障礙物可以阻止公園外面望入黎，除排佢對正滑梯，否則佢係望唔到我，但我可以透過d 小孔望到出面。
五分鐘後，我見到suki出現了
佢個樣好似有d面青青咁，行路既速度亦好急速，手上都好似冇攜帶住d咩重型武器。
佢企左響燈柱下東張西望，睇黎係睇我到左未
我為左安全既理由，梗係唔會咁快出去，但suki佢不斷望住部電話，不斷睇時間
呢個時候，電話震動…
「你係邊度?再唔黎我走嫁喇」suki傳黎whatsapp
「唉，睇黎我都係冇得再哩」
我一個魚鯉打挺，超型咁sir左落滑梯
「hi suki」唔知記時開始，我已經偷左呀力師，偷左佢果招陽光笑容，suki係第一個領教
「原來你一早到左…」
「好耐冇玩過sir滑梯嘛」我9up功力發作




「你係咪恢復番哂所有記憶?!」suki突然問道
「咩….咩恢愎記憶呀?」我驚駭地問
「咩話?...呀雯呢個名點解你會記得…」
未等我回應，suki又再講
「街市仔，聽我講，唔好再研究咩”歷史控制器”，咁樣係為你好嫁!」
下!到底咩事?我聽到不明不白喎大佬
「我唔明你講緊咩呀..suki..」
Suki dup低個頭
「聽我講，你唔好再插手，如果仲有有關既資料，唔該del哂佢啦...」聽落suki把聲有d嗚咽。


當suki抬起頭既時候，我見到佢眼眶上面好似有d淚水凝住係度…
Suki將個頭擰轉，用個背脊對住我，望住呢身單薄既背影，心裏面泛起幾種感受，有憐惜，有愛慕，有不安…
「我會考慮你既建議，多謝你」我對住suki背面講
Suki將個頭擰一擰望一望我，然後就走左….然後淹沒於人海之中






剛才果下回眸唔知點解會有種心痛既感覺…
內心有種好拿既feel，令我呼吸有d唔順暢…
我企左係度好一段時間…直到太陽開始落山我就去搵肥康…