電腦無啦啦多左d唔知咩既檔案係度(上): 第十三節

呢種感覺好親切又好熟悉，但又好陌生，真係不可思議
雜亂既思想，忽爾回想初時見到suki既情景，驀地又諗起同佢whatsapp既情況，然後上左肥康屋企，直到回憶番頭先同suki既見面
按我閱人無數既經驗，suki唔係十惡不赦既壞人，壞都唔可以稱得上，反而仲有可能係一個好人，但到底點解佢要整暈哂呀力佢地，同埋消除左個file既?
諗到呢度，我驚覺一樣野
如果suki 真係del左個lapallo，咁點解又冇改變歷史，理應呢個世界都唔再存在嫁喎，定還是依家既我已經比歷史改變左?
陪隨住呢個疑問，我再一次踏足肥康既屋企…
由於之前肥康間屋儼然變左lapallo總基地，為左方便我地，肥康比左一條鎖匙我進出佢屋企。


打開門後，見到肥康係度搞緊佢部腦




「黎左呀?」
「你咁快起左身既，仲以為你訓緊」
「我搵下有冇咩線索，追查番上次suki對我部腦做過d咩姐」
「咁你有咩發現?」
肥康輕輕嘆左口氣「d hdd冇燒熔已經算好，我都唔知suki用咩方法del左d file，但搞到有好大既電流流過部腦，所以之前搞到間屋跳fuse，睇黎有堆 hdd 好多都唔係點用得番嫁喇。」
「原來del file都仲有第二個方法既…」我單手托著腮說道
「你講咩?」肥康問
「如果佢del哂d file咁應該世界大亂先岩，依家世界又冇大亂，咁好可能佢用左另一個方法去洗哂d 檔案」
肥康側頭諗左一秒，點左下頭
「果然好多謎團仲未解得開!係呢，你今朝打黎問果單野搞成點?」肥康舉起雙身，伸左個懶腰




我將追查到既野一五一十如實全數講哂比肥康知，包括畢業相出現既呀樂同呀雯既事，同埋之後約左suki出黎件事
肥康用拳頭輕敲自己既頭幾下
「呢個suki真係好鬼可疑，神又係佢，鬼又係佢，當初佢用香薰迷暈我地，呢件事已經好有問題，如果佢真係為我地好，點解一早唔同我地解釋清楚成件事，而要直接用非常既手法解決?」
我地dead air左幾秒，但諗落肥康又講得幾有道理
肥康又繼續講
「除此之外，你頭先講話suki問你係咪恢復番記憶又係一個值得深思既點，聽佢咁講，我地既記憶似乎比人改過黎，以致會出現suki誤以為我地恢復記憶呢個情況，點解suki會知咁多野，呀樂又係邊個，係幕後黑手?」
我慢慢細味肥康所講既每一句，冇錯，呢個suki真係好神秘，完全弄唔清佢葫蘆裏面到底賣緊乜野既藥，總唔可順佢意，放棄追尋我失落既記憶，雖然我覺得suki係出自真心，我相信佢既眼淚亦都係真實，但點解佢要咁委屈呢?我想知，我想了解suki，如果佢唔肯講我知，咁就由我黎搵出原因!


「不如等我裝番msn先，我真係好耐冇用過，我諗我d對話紀錄應該未剷既…」肥康亦都對呀樂呢個神秘既”中同”產生左興趣。




不過話時話，仆街msn安裝真係好撚麻煩…成日要人更新到最新版，但又唔知最新版乜功能都冇，又多廣告
開啟msn後，肥康果然係冇乜邊幾個朋友，friend list得幾十人，都係d中同，同埋見到有幾個放左入網友欄既位，我諗都係肥康既戰友掛…
一樣地，肥康friend list出現左呀樂同呀雯既msn同埋果個「低b同學會」既m群。肥康嘗試翻查呀樂同呀雯既對話紀錄，但結果都係一無所獲…
當肥康開m群既對話紀錄，都係得呀樂上傳過一幅圖呢一個資料。
肥康望左螢幕一陣，然後拍一拍大脾
「哼!我好耐冇玩過hack人機，check ip喇，睇黎又要施展我妙手空空鑽你lon既技術，唔怕同你講，以前大把黑客組織想邀我加盟，前排之嘛anonymous都話想請我過我幫手」
「嘩乜黑客世界都咁國際化，仲好似球會咁買人既咩，小弟我真係孤撚陋，寡鳩聞，咁依家check唔check到ip呀? 話哂好似冇乜紀錄咁喎，唔通佢係黃大仙?」


肥康不斷地輸入一d唔知咩既指令
「哼，咁既二流偽裝技術，真係想呃細路仔咩」
輸入指令既速度再快一倍
「比我搵到你喇，小!朋!友!!」肥康嘴角流露住一股超強大既自信
「仆你個街!比你條友估中左，真係黃大仙」肥康忍唔住講左句粗口
「都話嫁喇，ip都唔洗check呀」但其實我真係鳩up高登潮文，冇諗過咁都中




「等我查下地圖先」肥康開左個google map黎睇
「呢一棟係好普通既私樓黎咋喎，感覺冇咩特別」我指住果棟xx樓
只係係住宅區既一棟樓，仲諗住會係d咩同肥康比得上既秘密基地，點知係咁平凡。
「咁依家我地知道呢個呀樂可以住係咩單位，我地可以去睇一睇喎」肥康轉過身黎「不如都係同呀力商量下先都未遲，順便睇下佢有咩新發現都好」
望到肥康眼裏果團火，睇黎肥康要以超越呀力做目標喇…
係去搵呀力之前我地已經打左個電話知會一聲佢，而呀力果邊都好似有d新發現。