忽然間,隻豹對住我飛撲過黎
仆你個街呀,我唔發火當我病貓!我對住隻豹個頭一野就扑落去
呢一野毆得好應,我見隻豹好似有d暈暈地咁樣滾左去側邊,隻豹額頭又滲左少少血出黎
不過知道野性既人應該都應該知道咁樣撩興隻野獸,我冇乜可能全身而退…
隻豹搖搖晃晃之下終於企穩番,然後對住我又飛撲過黎
今次因為隻豹有助跑,我一野就比佢推開…直接撞左落地下一塊石
好彩我用左手擋,但力道太猛,好可能撞到左肩甩左骹
而且左手手臂,成隻都冇左知覺
隻豹得勢不饒人,唔知咩速度咁快就跳上黎,作勢要咬我…
但我右手仍然緊握粗棍,當佢個頭哄埋黎既時候,我用盡身體全身既力,對住佢既下顎一桶




嗚一聲慘叫,隻豹滾開左
我見到此情況,不容片刻遲疑,立即向上跑,因為隻豹正正就係下低
我用盡畢生飲奶嘔奶既氣力,不斷向上跑
跑左唔知幾耐,天黑到周圍都伸手不見五指,大概隻豹已經冇追上黎…
我癱軟係一堆植物上面,只覺天旋地轉,上接不接下氣,以為今鋪死硬,又比我死裏逃生,真係大命到仆街
回過神來,全身都出左一身冷汗,我拖住無哂知覺既左手,企番起身繼續向上行…
頭先慌忙逃走果陣,我為左跑得更快,我已經丟左枝粗棍,如果再遇多隻豹,我真係兇多吉少…但呢刻我知道隻豹係下面,一定唔落得去…
無目的咁不斷向上行,忽然,我見到有d奇怪既野
好似有d建築物既影子,我趨前靠近,打算望清楚d
呢棟建築物一d都唔現代,而且又唔西藏寺廟特色




點形容好呢?就係好似中國古時候既建築……有d似山西既佛光寺…
當然唔係佛光寺成個…但感覺好似其中一part…
呢種咁既融入大自然既建築佈局,同埋咁嚴整的規劃,加上好明顯既斗栱,即係係橫樑同立柱之間整出黎用黎承托重量既結構,呢d一睇就知係唐代建築
外牆畫左一d塗鴉,我再行埋d睇,確認係一d敦煌壁畫,因為我係一個歷史迷,對呢d野特別敏感…係佛像畫…我曾經有睇過一本講關於唐朝既書,呢d咁既壁畫,係唐朝既時候曾經興盛過一排,好多都係以宗教做題材,或者係故事畫,呢個係以道家思想神話為題材,出自好多民間既手筆
點解係西藏既山上面會搵到一座唐朝既建築,咁超然獨立既建築居然會放係山上面?
唐朝既時候,西藏又有咩特別…?
我嘗試係腦海中尋找記憶
我隱約記得唐朝既時候,有個信佛既文成公主,咁當時個唐朝皇帝就將呢個文成公主嫁到西藏邏些,即係依家既拉薩,咁呢個文成公主帶左好多野去西藏,有食物,經典,動物,詩書佛經醫書總之乜都有,而佢係西藏當地好受d藏族人歡迎,佢亦都曾經幫手設計果d咩大昭寺果d野,總之佢黎西藏帶左我地好多中國文化既產物入左去,同時亦成為左漢藏之間重要既友好橋樑。
會唔會係呢棟野係文成公主起既呢?我心底不禁冒起呢個想法