【完】好多件令我好後悔嘅事 (20/4/2017修改): 36

 
將兩個唔識嘅人，咩都唔著，就咁放喺一張陌生嘅床上面，好似喺豬肉檔將兩嚿肉疊埋一齊，紅色嘅肉，仲有脂肪、筋膜，肉嘅重量將肉壓成一團。
 
諗起就作嘔，仲有陣肉嘅腐臭味。
 
我瞓喺少女身上，佢胸部唔大，所以瞓低嘅時候，得返一團小小嘅肉。我進入佢裏面，覺得好可怕，興奮係興奮，依種狀況固然會心跳，但真係好可怕。好似畀人蠶食緊咁。
 
但依種諗法，好似對於一個同我做愛嘅女人有啲唔尊重，於是搖搖頭，就將依種諗法打走。
 
我認為人作為人，最大嘅懲罰就係有一大堆無來由嘅性慾。係咪每個人都係咁嘅呢？每日被自己煎熬。


 
佢好暖，比起張床嘅質感，瞓喺佢身上面舒服好多。沿住佢胸部掃落去，去到佢肚，佢好瘦，夜晚裏面眼睛適應黑暗以後，可以見佢肋骨嘅影，並且掂住佢，以肉嘅質感證明佢嘅存在。
 
佢叫我「上少少。」
 
我離開佢身體。
 
「哦。」我答，於是我抱住佢腰，等佢瞓返上個枕頭上面。個枕頭好冧，佢好似凹晒落去裏面咁。我問佢，「咁好唔好啲？」
 
佢點點頭。


 
於是我哋繼續，我又入返去佢嘅裏面。
 
明明好唔想做，但如果有個女人喺到，就無得唔做。明明每次做嘅嘢都一樣，但每次都會咁做——沖涼、冚住翻被、一輪前戲、我哋依偎相擁、赤裸相對。
 
佢問我，「你諗緊乜？」
 
「無，」我話，「我咩都無諗。」
 
可悲，重覆咁樣嘅事而不覺沉悶，只有「被操控」而「不自覺被操控」先可以有咁嘅效果。知道依件事嘅人，如果照直咁向世人宣告，一定會被其他人當係痴線佬而受盡冷落。一刻覺得自己超然於人而舒服一啲，但一靜落嚟，細心一諗：啊，其實我不過係人類嘅其中之一。


 
我同佢轉咗個體位。
 
佢趴喺到，如果用人類嘅語言嚟講，應該係一種叫做狗仔式嘅動作。我從後捉住佢嘅胸部，輕撫，一路向佢推進，佢胸部就以極微少嘅幅度咁前前後後地搖盪。而佢嘅呻吟聲，就跟住喺我耳邊盪嚟盪去。
 
唔算好動聲，為咗壓細聲量，佢叫得好收歛，好似要將聲音困喺喉嚨咁。
 
嗰到張床好硬，牆身有啲裂痕，窗框左右係不規則嘅油漆 ( 應該係油出界所致 )，以及歪歪斜斜嘅玻璃膠，痴得好核突。窗戶用一塊長布遮住，睇唔到出面發生咩事，唔知道依家係幾點，唔知道外面係落雨呢、抑或烏雲密佈。同外面係兩個完全隔絕嘅世界。出面嘅嘢帶唔到入嚟，依到嘅嘢帶唔到去出面。
 
佢叫我，「細力啲。」
 
我話「好」，然後放慢我嘅動作。
 
佢一隻手撐喺張床上面，一隻手捉住我隻手，佢越捉越緊。我眼裏面見到嘅，就係佢嘅背脊、腰、仲有臀部，形成兩彎美妙嘅曲綫。係一個普通女人都應該有嘅體態，而依一點就係依個少女稍為唔普通嘅地方。
 


好努力去記住佢，但一熄燈就唔記得佢熄燈前到底係點嘅樣。
 
佢叫我「快啲。」
 
「嗯，」我回答。然後我跟住佢嘅意思再快一啲。
 
直到佢叫我「唔好。」
 
我放慢。
 
之後佢嘅反應就好似好唔滿意，於是只好快返。
 
至於我當時想點，依家你問我，反而我最唔清楚我自己。
 
***


 
佢瞓喺我側邊。
 
佢問我，「我可唔可以同你講我男朋友嘅事？」
 
覺得好奇怪，同完一個女人做愛佢就同我講佢男朋友。點解會咁呢？成個頭頂都係問號。我第一次遇到依種情況，為佢嘅男朋友覺得好唔好意思，但周圍望一望，佢男朋友根本唔會喺到，所以唔緊要。深呼吸，彷彿鬆一口氣。
 
「唔介意，」我隨口答，「你咪講。」
 
「我好憎佢。」」佢話，「佢正仆街嚟。」
 
「佢做過咩嚟？」我問。
 
「佢好自私。」佢講到一半，佢就哽咽，好似想喊出嚟咁，「一日到黑佢就剩係識得諗住自己。」
 


雖然無好大聽落去嘅興趣，「點解咁講嘅？」但如果人哋講緊嘢，一定要現得好有興趣咁。依啲係禮貌，一直以嚟廿幾年嚟都係畀人咁教，係唔係真係想聽，好少會考慮。我問佢，「係唔係有咩事？」
 
「每一日都諗住要死。」佢話，「每一日都諗住自己。」「明明我可以關心佢啊，但佢偏偏唔會畀人關心，見到佢咁，覺得未來好絕望。我唔想咁啊。」佢好似向我訴苦咁訴，佢仲話，「我真係好鍾意佢啊...但佢，我越對佢好，佢就越抗拒。成日都覺得好似會害咗我咁。」
 
佢問我，「你知唔知佢諗緊乜？」
 
我話「我唔知。」
 
佢呼一口氣，「咁都係嘅，」佢同我講，「依種人，真係好難明。」