[誤墜]係獅隧口落車 就出左事: ２０

我仆係到既原因係因為唔知點解腳掌唔可以好似平時咁發力，一個失衡跌個狗吃屎。 
一望，原來雙腳包到實一實，唔知點解仲有Ｄ痕痕地既感覺。 

正當我仲疑惑緊唔知咩事既時候，聽到外廳既位置傳黎輕盈既腳步聲。 

有個妙齡少女掀起左個竹簾行入黎。 

因為我仆左係地下既關係，我低炒咁望上去，見到一條白色裙翩翩抖了一下。 

白裙無太多點綴、分上下兩截，上衣純白配上少繡花、下衣蕾絲花邊長至膝蓋以上， 




中間配方一條小小的白繩繫帶。 

白白的花裙配上的主人更是肌膚勝雪，透紅既嫩肌配上白裙竟然沒有相互爭豔、反而係相映成趣。 

我再望上去，先發現觸及令人尷尬既部位。焦點即刻落返地板、靦靦腆腆咁企返起身。 

「先生，你醒來了？」　唔係我用書面語敘述，而佢真係用廣東話、逐個字好清楚咁同我講。 

我有啲錯愕，除左係因為佢咁奇特既講野方法之外，仲係因為佢秀麗既面孔。 





我睇過某個討論區既文章、入面既故事女主角不乏貌似徐suki，姚子羚為藍本。 

但我眼前，要用明星黎形容、真係太難。 

我唔可以話佢係絕色美女、但五官標緻，杏眼櫻嘴、有點英氣的眉，給一種氣質既感種。 

果種感覺係、佢唔似本地人，應該話佢唔似中國籍既籍民。 

如果佢及腰既長髮，都係銀白色既話，我真係會以為自己見到魔戒入面既妖精。 





但佢只係一抹帶點光澤既純黑烏髮。 

最令我驚鄂既，唔係一起身就有個靚女捧住毛巾走入黎睇我起身未…… 

係眼前既女仔，雙目唔係純黑色……而係純白色。