＜＜紋身師──存於平泊殘缺的瑰麗＞＞: 第十二章：失焦

　　商業大街中央，四個男子大搖大晃的走著。

　　「你估大佬搞幾耐丫拿？」最左邊的中等身材男問。

　　「起碼三四個鐘啦，炸曬成隻手喎。」左二男回應。

　　「咁我地咪有排行？」右二男接話。

　　「『棅』多十零分鐘好番去喇，頭先條女唔係叫我地掃地定買飯咩？」左二男提議。





　　「哈哈哈，你唔係淆佢呀嘛？」右二男笑得一雙眼睛眯成一線。

　　「唔係，但人地好似係信我地先托我地做野咁啫。」左二男回答。

　　「不過條女又真係幾好樣，頭先呀風好似抄左佢牌添喎。」左一男肩撞一下左二男，視線瞄到右一男身上。

　　「我係公事公辦，唔似你地。」手卻不安份的拿起電話發著訊息。

　　「『你地想食乜野，問號，等如，點，等如（＝.＝）。』，哇，咁都係公事公辦呀？」右二男大聲朗讀出呀風正要發出的訊息。





　　「仆街啦你，咁叻，比個電話你應佢丫笨。」叫呀風的右一男回應。

　　「係我又唔拒呀。」右二男咯咯的笑。

　　四人背後傳來呼喊聲，一位身穿笠頭衛衣的古怪男雙手插袋的說：「喂，你地四個！咩咩風林火山下話？」

待續……