第二章

「 我唔係同你講過,叫你唔好再翻黎呢個世界,點解你唔聽?」有把聲音同我講。有啲溫柔嘅語氣,好似係責備,但更多係擔心。

係邊個同我講緊野?點解聽落咁心痛?

「 我可以無視呢個世界嘅規矩黎救你,但係我嘅命數將盡,往後嘅日子可能唔能夠再黎睇你。」女人嘅語氣有啲不捨。

我慢慢回過神來,發現自己並唔處於嘉伍嘅房間內。而家嘅位置,更似係之前被困嘅黑暗裡面。





「 你係邊個? 點解一次又一次嘅岀現係我面前?」我望向前方睇唔到樣貌嘅黑影。

「 我係你心裡面最想見嘅人,我無辦法明言。但我希望你知道,我係愛你嘅。」女人一把將我擁入懷中。

「 就算我唔係你身邊,都要記住要好好生活落去。唔好再翻黎呢度,唔好再知道更多。我唔想睇住你被黑暗吞噬。」女人嘅身體好溫暖。

「 你究竟係邊個?」我嘅聲音微微抖顫,生怕會喚起其他人嘅注意。

「 你要記住,要小心,唔好重複我曾經犯下嘅錯。樂生,我永遠愛你。」女人放開擁抱住我嘅手,將我推開。





個一句「 樂生 」係我聽過最悲傷嘅說話。個個女人究竟係邊個,竟然可以令我如此熟悉又心痛。

「 表姐,你千祈唔好有事。」有人握緊我嘅右手。

感受到手心嘅熱度,我慢慢睜開雙眼。

「 表姐,你醒啦!」柔風擦一擦眼淚,向我微笑。

「 我見攰訓下教喳喎,唔洗喊曬咁誇張啊嘛?」我無奈咁摸一摸柔風嘅臉頰。





「 表姐,你發高燒啊。好彩我發現你暈左係房喳,唔係就燒壞腦架啦。」 柔風委屈咁鼓起腮。

「 難怪我會覺得頭痛。」我喃喃自語。

「 吓?咩話?」

「 我話,我發左場有趣嘅夢。」我不自覺地笑一笑。

「 笑得咁開心嘅?唔通夢裡面有豔遇?」柔風撞一撞我手肘。

係喎,如果講俾柔風知,佢實笑我架。唔得,一世人兩表姊妹,都係留翻啲私癮好。

「 冇嘢啊。你快啲岀翻去啦,病人要休息。」我推柔風落床。

「 笑到咁都話冇嘢?算啦算啦,呢啲十八禁嘅嘢我唔想知。你好好休息啦。」柔風向我扮左個鬼臉。





送走左柔風,係時候同夢入面嘅書生再續前緣。

我合埋雙眼,係腦海裡面幻想嘉伍嘅樣貌。

慢慢地⋯⋯慢慢地⋯⋯沉睡。

「 程生,我差啲被你害死啊。」嘉伍不滿咁望住我。

咦?原來只要用心去聯想,自然就可以入翻同一個夢。

「 乜我走左之後,你仲有被大叔捉住咩?」我唔好意思地向嘉伍賠罪。

「 乜嘢大叔? 我係話,你差啲就害我交唔到份模型功課。」嘉伍指指身邊放係長凳上面嘅大盒。





乜嘢模型功課? 我發嘅夢真係愈黎愈奇怪。

「 程生!賠罪!」嘉伍篤一篤我嘅腦袋。

我同嘉伍不過係第二次見面,又會無啦啦friend左咁多嘅?

「 嘉伍啊,我地識左幾耐?」我嘗試去理解翻呢個夢嘅時間線。

「 由你岀現係我張床上面,已經係一個月啦。」

一個月? 我只係中途醒左一陣,呢度就已經過左一個月。

「 所以,我地而家嘅關係係?」我害羞咁望向遠方。

「 好朋友啊,做咩?」嘉伍用望住外星人嘅眼神望向我。





果然,雖然唔知呢個夢嘅時間線係乜嘢一回事,但我都係循序漸進地發展嘅。
已有 0 人追稿