「高登情緣」「港產片Feel」有一種愛叫做純愛。: 第三十章

三十一章
 
2016年11月29日，我同曼喬一致達成共識，留守高登，絕不過LIHKG。
 
2016年12月15日，曼喬提議將我哋嘅經歷寫成故事，頭兩章各自用自己第一人稱寫，之後就由我寫埋落去。
 
2016年12月16日，第一章草稿寫完。
 
2016年12月25日聖誕節，我問曼喬要咩聖誕禮物，佢話叫我寫曬成個故事，唔好爛尾呀。
 


「不如Cut走IPHONE嗰part好冇？我驚讀者會唔鐘意呀，始終係撈偏……」我話。
 
「唔cut得！係嗰一次經歷令你我成長，亦令我對你有feel，覺得你好有安全感好錫我好鐘意我。我諗讀者唔會因為呢一part而唔鐘意我哋嘅故事。」
 
「咁你自己寫嘅頭兩章都要出街？」
 
「梗係啦。」