第一章 (曼喬版)
 
男朋友好夜先返屋企,見佢面有醉意。我心諗不妙,即刻熄咗播緊嘅港產片【志明與春嬌】,行返入房。
 
「你唔躝返去香港搵你嘅舊相好呀?留喺度做乜鳩?」男朋友喺客廳好大聲咁質問我。
 
「癡撚線,我都話冇搵過佢。」
 
呢個時候男朋友行入房,如野獸般朝我撲埋嚟,瘋狂吻我,扯我嘅衫褲。
 


「今日嚟M,唔方便呀。」我嘗試推開男朋友,點知男朋友禁住我,唔俾我起身。
 
「留返啲Quote同你嘅呀Wing搞呀?」男朋友繼續扯我底褲,咬我頸。
 
「痛呀!咪搞啦。」我用力撥開佢嘅頭。
 
「同你嗰呀Wing有冇搞過幾百次呀?佢有冇我咁勁呀?」男朋友獸性大發,扯爛我底褲。
 
「都話同佢冇嘢lor!」終於把握到機會擺脫男朋友,拿拿臨跑出房。
 


回頭見到男朋友醉意漸漸上腦,成個攤喺床上。我關上房門,一個人坐喺客廳。
 
呀Wing係我五年前喺高登認識嘅巴打,起初佢都係一個改詞嘅巴打,由於我把聲似薛凱琪,所以成日會幫高登改詞唱歌。就係咁認識呀Wing。起初都係改詞合作,後尾發展成網戀,不過由於我喺澳洲,佢喺香港,所以最後都係分手。
 
無可否認,我係會掛住佢。邊個女仔唔嚮往純愛?尤其係當年大家懵懂單純,冇乜戀愛經驗,得到一次純到爆嘅愛情經歷,點會唔懷念?但光陰似箭,緣份已逝,我一早將重心擺曬落現任男朋友Hinson身上啦,喺我心目中第一位梗係我男朋友。點知有日同朋友傾起以前高登嘅那些事,唔覺意爆響口講呀Wing嘅野,而個朋友竟然借機會勒索我,話如果唔同佢爆房,就同我男朋友講。on撚鳩,我梗係reject啦,仲同佢絕交。就係咁,我男朋友從此心入面有條刺。借醉就鬧我,甚至打我。
 
我點起香煙,開返電視睇【志明與春嬌】。
 
「有啲嘢,唔駛一晚做曬。」
 


當我聽到呢一句對白,諗起當年呀Wing同我去長洲過夜,佢攬住我,都係講咗句類似嘅說話。當晚我哋都冇搞嘢,只係攬住傾計,訓覺。
 
無聊上下高登,見到有個巴打放港產片VCD,我見到個List有古惑仔3 廟街故事 同都市情緣,由於我真係好鐘意港產片,得閒返香港都會掃好多碟返澳洲,於是我即刻PM個巴打,留曬電話。
 
「Hi,買碟?」咦,個巴打真係快手,冇幾耐就WhatsApp咗我。
 
「係呀巴打。幾錢?」
 
「古惑仔3,300蚊,,廟街故事300蚊,都市情緣300蚊。」
 
我懶得打字,於是錄音:
 
「係咁嘅巴打,我係住喺澳洲,你可唔可以留俾我,等我返香港同你買?」
 
「下,我等錢駛wor,同埋點等你,幾時返?」巴打覆。


 
「未定。」
 
「咁你不如先俾錢,到時我留俾你lor。我真係等錢駛」
 
「下,我WeChat得兩百零蚊咋。」
 
「Paypal呢?」
 
「冇呀。」
 
點知個巴打忽然錄段爆笑嘅嘢,語調古怪,好好笑。
 
「我哋International咖嘛,你PayPal都冇,點去澳洲呀?係咪食錯咖喱搭錯飛機去咗菲律賓?但菲律賓都有PayPal wor絲打。」
 


菲律賓,佢讀成係 free lift bin,好好笑救命。