那年，我在補習社遇上她..: 第三十一章 交心

「做咩呀?😰唔好嚇我wo😢」11:45 我同angela講

「岩岩發生左啲野..搞到我好亂...我..我唔知點做至好...」

「做咩事呀😨😰😰😰」我係呢個時間都唔知自己可以講乜..

angela藍剔左我..係嘅..第一次見佢咁驚..咁不知所措..係人都需要時間黎沉澱一下...

只係....我同佢根本就冇乜點見過面....更遑論佢去將自己嘅心扉去打開比我睇...



就算佢要搵人訴苦，以佢咁嘅條件，啲兵應該由大埔排到去落馬洲...

我靜靜地睇著我部手機...去到12點半，我先醒起原來聽日仲要返學，連份中文作文都未做完..

正當搬曬yy lam啲筆記，諗著開夜車果陣..

「我不願讓你一個人...」係我部手機響..

屌，邊撚個呀，連我都夠膽阻



我一開頭以為係仆佳同高佬俊果班..

一睇個電話屏幕，果種惴惴不安嘅感覺就好似一道瀑布咁，係我內心一瀉而出..

係angela打比我..

原來佢心入面仲有我..

我戰戰兢兢，劃過屏幕，接聽電話..



其實我一早會預料到有呢啲情況..我一直提前構思好到真正我地無論面對面又或者係電話到傾計要講啲乜。好似..好似構思一篇作文咁..

經過幾千萬次排練同刪減，我自為可以流暢表達講辭....原來到最後，理性都係敵唔過感性...我個腦一片空白..

「喂」我講
「喂...我咁夜打比你..有..有冇阻著你訓教呀?」佢把聲..仲係咁甜..咁完美...

佢..佢喊緊?

「冇..冇呀..做咩呀..唔好喊啦..女仔一喊就唔靚架啦」

「噗哧」係電話入面我聽到佢嫣然一笑

「笑翻咪好囉，以後都唔準喊啦，知唔知呀」我講



「唓，你都唔係我隔離，就算我喊你都唔知啦」佢講

「我地facetime咪得囉」

我係咪痴左線?點會無啦啦爆左呢句出黎?????

我講完都知唔係幾掂..我地沉默左1 2 秒

「唔要呀..岩岩喊左咁耐，喊到隻眼腫曬，好核突 :( 」佢講

「唔緊要啦，你個樣不嬲都咁核突」當然我係搞笑啦...就算佢點到好...甚至係到老出曬皺紋..佢係我心目中都係咁完美..咁靚..

「喂呀!我唔理你呀!」佢扮嬲咁講

「吓，唔好啦..冇左你..我都唔知點算..」我講



佢冇出到聲..

唔通..佢真係嬲左我?

「對唔住呀..唔好嬲啦..你..你係我心目中無論變成點..都係咁靚架..」那裹來的勇氣..

「死蠢..我..我都冇嬲..我玩下你咋..」佢講

「唓，我知呀，我扮唔知姐」我講

「其實..其實你想唔想知岩岩做咩...」佢問

「你....你講呀」



我聽到佢深呼吸左一下

「岩岩我咪補guy leung嘅，同我一齊補果個係同我好frd好frd嘅男仔..佢對邊個都咁好..所以我同佢對冇乜野..我當佢真係普通朋友黎架」

我心諗，咁就仆街啦，一男一女夜媽媽係條街到..個女仔一定比人溶..

「嗯..咁跟著呢?」我講

「跟著佢話送我翻屋企..因為係普通好frd嘅朋友..所以我一開頭都好放心...差唔多到我屋企果陣，佢話同我玩個遊戲，之後就捉著我隻手..一開頭我都覺得冇野..因為我當佢真係好朋友..」

我心諗:你真係蠢過隻豬，一個男仔拖得一個女仔隻手一係佢係gay，一係就係佢中意個女仔。

「跟著呢?」我問

「跟..跟著..佢同我表白...話中意..中意左我好耐..問我肯唔肯做佢女朋友..」



我聽到angela係到喊..

一直埋藏已久嘅情感缺堤成眼淚...一發不可收拾..

待續...

ps 小伙子的話:

各位真係好對唔著好對唔著，小弟知自己呢排出文真係出少左好多，其實係因為小弟升中六，日日都要補習，做ies，溫書等..日日都疲於奔命...有時真係唔想再理其他野...


不過我應承左你地，一定唔會棄故 :) 加上其實呢篇野有7成都係真人真事...我都好想好想搵一個渠道去講出黎..畢竟我心入面仲係有條刺，不吐不快😢

最後，呢篇故其實都差唔多完成左7成，好快就會完..希望大家繼續追啦 :(

多謝你地 :) 同埋你地有咩意見都可以cm同我講 :)