飛一次大阪，談了一場六天的「同地戀」: 39

呆望著她的相片，幾秒後，我回神過來說：「嘩你進化過嚟呀哈哈哈？」

「喂！」她急忙搶回來說：「你知唔知道女仔嘅身份證唔畀得人睇架！」

「我估唔到妳一年前嗰個樣係更細個。」

她本來已經是童顏，但相中的她，是比童顏更童顏，就如一個小女孩。

「你理得我～」



「真係女大十八變，不過妳細個嗰樣更加令人有熟悉感。」

「我不知幾成熟～你打擊唔到我。」她輕哼一聲道。

「咁我都無話童顏唔好。」我攤手說道。

我們終於離開那間服裝店，弄了半天，一件衫也沒有買，店員卻仍有禮貌地向我們道別，叫我們心裡有點內疚。

「鬼係，你鍾意姐姐嘛。」她說道。



「我邊係，咪屈我。」

「你前女友明明就姐姐樣。」

「妳諗多咗......」

「估唔到個人變態，連口味都係變態～」她搖搖頭，環抱自己震抖的身體地說。

「妳先係最變態嗰個好無。」



她搭著我的肩膀，一臉認真地說：「如果你日後真係偷入女仔更衣室，拉咗都唔好話識我。」

究竟是誰喜歡一本正經地說無聊話！？

「等等先。我個銀包呢？」我已經還給她，但我的仍在她手上。

「唔畀返你！」看來她還有一點氣。

逛了幾間也沒有心水的衣服，我們就打算到其他的地方，步出商場時，她突然用力拉著我的衣袖。

「做咩？」我問。

「我想玩哩個！」她指向遠方。

「邊個？」我順著她所指的方向望去，是一座紅色耀眼的摩天輪，座落於商場的頂層。



也就是著名的Hep Five摩天輪。

話說日本的摩天輪滿處都是，但紅色的好像比較少見，特別在天色漸黑的空中，顯得特別明麗。

「好呀，去囉。」我說，當時並沒有想太多。

然後，我馬上就後悔了。