[少年監獄] 感受沙咀: 16. 反面
「喂，你地呢期既新人好鍾意玩野wor」
「.............」
第一句,已經如此態度,我都唔想聽了
「搞到我地包奶都無得食,屌.」
原來, 阿渲捱既一餐毒打,係佢眼中只不過係無得食包奶
「咁佢都唔想嫁 ….」
我沖口而出說了句.這時候不應該是可憐或者安慰他嗎?
「噢? 你又黎野啊?肥仔?」
佢微微愕然,重新開始閪鳩我
「.............唔係」
我別過頭.按下心中對佢既憤怒
真係好無情
但,我始終都係睇少左,呢個三年班既城府
佢突然一下沖埋黎,用前臂頂住我既咽喉,壓我在墻壁上
然後用好恐怖,好鬼吼人既眼神盯我
佢突然間既郁手,讓我不知所措,
但我更加在心中怒吼
你憑咩咁做?
「做架兩啊? 你咁撚為佢著想,頭先佢比虎sir找數你唔沖出去幫佢擋?」
「屌你老母你敢咩?死肥閪」
兩句說話,直中痛處.無錯,其實呢個地方,每個學童都係自身難保的
「咁你呢? 三年班大曬啊? 值日推曬比我做, 夜晚又唔教多啲摺既野比我, 呢啲唔係你要做既野咩!? 」
我對住佢既嘴面,說出心裏一直對他的埋怨
「屌你老母你講多次?」
佢加大了壓住我既力度,而且眼神更加兇狠
「點啊? 打鳩我咯 ? 反正我都預左打爆啦屌你老母 !」
我沉靜地說出呢句，作出反抗
「噢.所以你就閪冧啊嘛? 好啊,咁我一定搞鳩你嫁啦,今日戈sir有返工,你死撚硬」
聽完呢句,我開始慌.但都不想再示弱
「你咪講咯! 你估我唔敢同楚sir講咩?」
「你試下! !」
說罷,佢一野用手撞在我胸膛上,然後放開我
一副黑社會要開鳩我拖既姿勢和眼神
但係,我賭佢唔敢 !
「打啊! ? 繼續打啊!?」
縱使我既聲音在震抖,但我唔想再屈服
我唔想晚晚再活在恐懼之中,擔心佢點對我,擔心佢會點樣搞鳩我 ! !
「全部同我開始靜坐! 」
虎嘯突然在走廊上迴蕩
我們互相怒睥,呢一刻,我唔會比我既眼神再次縮沙 !
但爭吵始終要停,虎sir開始行埋黎鎖倉
我地既爭吵,暫時停下
「呵呵」佢輕笑一聲,收回氣勢
「放心wor,時間留留長,我慢慢同你玩 : )」
一抹例牌既邪笑
佢擺低狠話後,坐在對面
靜坐開始,又是肅靜
「我話比你聽,你一定會後悔 :)」
佢輕聲說了句,又串鳩我
但我已經開始諗定下一步計劃
既然已經反面,咁就黎咯
疲勞和睡意永遠都係靜坐時最大既誘惑
而我觀察左呢個仆街兩日
佢次次靜坐都會瞌眼訓的
我無理到佢果句
開始專心靜坐,並且時不時用眼神雕住阿勇
我苦苦頂住疲累
而終於,眼前既阿勇開始瞌眼訓,閉上了眼,身體都靠埋墻
哈哈.
虎sir既腳步聲漸漸逼近
平時既我,一定會搖醒佢,叫佢起身
但宜家,我唔會
虎sir行到了我們的倉前
然後發現了阿勇既衰樣
虎sir停下
空氣仍然寂靜
「訓得好舒服wor 」
一句說話,即刻讓阿勇彈了起身
阿勇不知所措的恢復靜坐姿勢
但為時已晚
「呵呵,唔使應我,聽朝搵我找數.」
雖然係簡單既一句,卻讓人覺得沉重
說罷虎sir走開了
而阿勇立即睥鳩住我
呵呵呵,我得意笑了笑,你咪一鳩樣咁不堪一擊
但心中卻有股後怕,慢慢產生
因為我唔知阿勇會點搞我
個情況就好似我頭先出左一招,打中左
但對方仲未出招一般
不過我肯定既係,夜晚既加強體能訓練,佢都會玩野嫁啦
「靜坐結束! 開始磨鞋 !」
「呵呵呵,有膽同我玩wor呵呵」
佢一副好似終於遇到對手般的語氣
「無啊,我邊敢同你玩啊?」
「噢噢,陰到我一鋪,講野都醒神過人wor,不過呵呵,我有排同你玩」
佢既語氣持續比壓力我.
氣氛開始僵持
但我都係無理佢
逐自坐左埋一邊磨鞋
當然期間,佢都少不了一些吼鳩我既說話
但最巴既都係佢故意搵其他倉,果個阿渲既培訓阿代傾計
仲要係當我面傾關於我既野
於是個情況就變左我只能眼巴巴睇住,聽住佢地兩個嘲笑我,暗串我
「哇屌好撚正,你個新人咁撚夠姜既?」
「夠,真係幾夠姜嫁, 唔知戈sir出聲後,佢會唔會仲係咁夠薑呢?」
「屌比著我實搞鳩佢啦, 好似我呢個咁咩, 衰埋啲智障野,抵你比虎sir打啊 !」
「喂,新人 ! 你係唔係叫阿渲啊?」
「係啊..」
阿渲回應
「喂, 你今鋪累大棚無包奶wor, 你點賠返比我啊? 」
「...出到去再請返你咯」
阿渲無奈道
「哈哈,玩下你咋嘛,見你被虎sir找到咁,算啦」
阿勇說
屌,對人地個新人就咁撚好
「開始收鞋油! 」
夜更既阿sir發號
今日夜更既阿sir係左班的 大翼sir
係J team既阿頭
但今晚大翼sir不是重點
重點係個阿勇
收完鞋油後
「點嘛你? 今晚做唔做體能訓練啊?」
「做... 」
如果你唔玩野,我做又如何
我趴低在地上,等候佢打數
「四聲前弓後箭,開始 . 1 2 3 4 ...」
「222222222…...」
「喂又停啊? 唔做啦」
…
…
…
…
…
我一身汗企左起身,不滿佢繼續玩野
雖然我都預左
「喂應機啦,企起身姐係點啊? 」
我望住佢
點解,佢要咁樣玩針對呢 ?
「唔做....你再係咁樣針對我,我唔做...」
「哦,姐係唔做啦,好,你慢慢啦.」
「不過你記得, 型,係要付出代價既. 呵呵呵呵 你鍾意玩啊嘛」
佢一下邪笑,逐自睡去
留下處於後怕的我
唉,已經變到咁,聽日佢一定同戈sir講啦
不過其實佢咁衰,不如我講先?
我等阿勇睡去後,撩了旁邊的阿壯
「喂阿壯.」
「做咩啊??摺完野啦咩?」
「唔係...我想吹水姐..」
「吹咯,等陣都要訓嫁啦」
「恩..你話,我應唔應該話比楚sir聽,我既培訓咁樣?」
「呃...我覺得唔係幾好咯,我地係呢到無權無勢,唔識規矩,雖然你個培訓係衰格嫁啦,但忍左呢7日佢好似好啲咯.」
「嗯....」
意見中肯.
但我仍然覺得好無助
日頭就身體既折磨
回到倉仲要精神折磨
至少,比我選在休息的時候,真的是休息吧
摺完一塊磚頭和擺房後,我逐自睡去
我害怕明天.